धनगढी: कञ्चनपुरमा लागुऔषधसहित ५ जनालाई पक्राउ गरिएको छ । जिल्लाका विभिन्न स्थानबाट प्रहरीले लागुऔषधसहित उनीहरुलाई पक्राउ गरेको हो ।
ईलाका प्रहरी कार्यालय बेलौरीको टोलीले बेलौरी नगरपालिका ६ बैशाखामा सु.प.प्र.०१०–११ प ७१४६ नम्बरको स्कुटीमा सवार कैलालीको जोशीपुर गाउँपलिका–६ सिम्रीका २३ वर्षीय पारस कठरिया र २३ वर्षीय दिनेश रावतलाई पक्राउ गरेको छ भने उनीहरुको साथबाट १ पोका ८३ मिलीग्राम लागुऔषध खैरो हेरोईन बरामद गरिएको छ ।
यस्तै भीमदत्त नगरपालिका ४ स्थित भाँसीबाट म२ प १८६६ नम्बरको मोटरसाइकलमा सवार १९ वर्षीय प्रवेश थापा मगर, दार्चुलाको शैल्यशिखर नगरपालिका ३का २९ वर्षीय रामसिंह धामी तथा र भीमदत्त नगरपालिका ४ का १८ वर्षीय अनुराग टोकेलाई पनि पक्राउ गरिएको छ ।
उनीहरुको साथबाट ६० पिस इन्जेक्सन र १० वटा ट्याबलेट बरामद गरिएको छ ।
Facebook Comments Box