धनगढी: डोटीमा जिप दुर्घटना हुँदा दुई जनाको घटनास्थलमै मृत्यु भएको छ। जिल्लाको केआइसिंह गाउँपालिका–१ मा जिप दुर्घटना हुँदा सोही ठाउँ बस्ने बर्ष ३६ का चालक गोबिन्द शाही, र केआइसिंह–२ जारिमभाडी बस्ने बर्ष ४१ का सवार धन बहादुर तिरुवाको घटनास्थलमै मृत्यु भएको जिल्ला प्रहरी कार्यालय डोटीका इन्सपेक्टर लक्ष्मीराज जोशीले जानकारी दिए।
उनका अनुसार दुर्घटनामा परी अन्य ६ जना यात्रु पनि घाईते भएका छन्। केआईसिंह गाउँपालिका डुम्राकोट बस्ने बर्ष २७ को तेज तिरुवा र उनकी श्रीमती बर्ष २६ की राधा तिरुवा अवस्था गम्भीर रहेको छ। दुबै जनाको उपचारको लागी सुजङ अस्पताल राजपुर डोटी पठाएको छ।
यस्तै सामान्य घाईते सोही ठाउँका समीर तिरुवा, सुरज तिरुवा, लक्ष्मी तिरुवा र मीन लुहार सामान्य उपचार पछि घर फर्किएका छन्। दिपायलबाट घाँटलायातर्फ जाँदै गरेको सुपप्र०१२३००१ च ३३२९ नम्बरको जिप लोली भन्ने स्थानमा शुक्रबार राति साढे ११ बजेतिर दुर्घटनामा परेको थियो।