रौतहट – रौतहटको गरुडा नगरपालिकाका मेयर प्रत्याशी दीपक यादव आफ्ना मागहरु राख्दै नगरपालिकामा ताला लगाउन पुगेपछि प्रहरीसँग दोहोरो झडप भएको छ ।
उक्त झडपमा परि ६ प्रहरी घाइते भएका छन् । झडपका क्रममा प्रहरी निरीक्षक वीरेन्द्र पासवानसहित ६ प्रहरी घाइते भएका हुन्।
गोलीको छर्रा भिडमा पुग्दा गरुडा-५ का गजेन्द्र साह घाइते भएका छन्। हाल उनको स्थानीय स्वास्थ्य चौकीमा उपचार भइरहेको छ।
झडपलाई नियन्त्रणमा लिन प्रहरीले ११ राउन्ड हवाई फायर र पाँच राउन्ड अश्रुग्याँस समेत प्रहार गरेको जिल्ला प्रहरी कार्यालय रौतहटले जनाएको छ।
Facebook Comments Box