धनगढी – धनगढीकी मोडल अनु खड्काले वेष्ट मोडल अवार्ड पाएकी छन् । सुप इन्टरटेन्मेन्ट म्युुजिक अवार्ड २०७९ मा सहभागी धनगढीको फूलबारी स्थायी ठेगाना भएकी खड्काले Best model Female-2079(Jury) प्राप्त गरेकी हुन् ।
स्टाफ नर्स समेत रहेकी खड्कालाई शुक्रबार साँझ एक कार्यक्रमकाबीच आयोजकले अवार्ड प्रदान गरेका हुन् । विगत करीब तीन वर्षदेखि मोडलिङमा आवद्ध खड्काले मेरा गाउँ जाल्ली मुइ जसी होल्ली, तु अब अर्काकी भईगइ, लगायतका विभिन्न दुुई दर्जन बढि म्युजिक भिडियोमा अभिनय गरिसकेकी छन् ।
अवार्ड प्राप्त गरेपछि खड्काले दर्शकको साथ, सहयोगले नै यो स्थानसम्म आइपुगेको बताउदै अगामी दिनमा समेत यस्तै सहयोगको पाइराख्ने विश्वास व्यक्त गरिन् ।
‘पेशाले म अहिले पनि नर्स हो तर सानैदेखि मोडलिङ मेरो रुचीको विषय थियो । छोटो अवधीमा सबैको साथ सहयोगले यहाँसम्म आइपुगेकी छु,’ खड्काले भनिन्, ‘अगामी दिनमा पनि यस्तै सहयोग पाउनेमा आशावादी छु ।’
अवार्डले कलाकारिता क्षेत्रमा अझै जमेर काम गर्ने उत्साह पनि थपेको उनको भनाइ छ ।