कञ्चनपुर: कञ्चनपुर प्रहरीले लागुऔषधसहित २ जनालाई गिरफ्तार गरेको छ। हिजो बेलुका प्रहरीले भीमदत्त नगरपालिका–१७ बासखेडाबाट ठूलो परिणाममा लागुऔषधसहित दुई जना स्थानीय युवालाई पक्राउ गरेको हो।
६३ एम्पुल रेक्सोजेसिससहित वडा नम्बर ४ का २७ वर्षीय प्रदिप भट्ट र वडा नम्बर १८ का १९ वर्षीय इनामियल राईलाई पक्राउ गरिएको जिल्ला प्रहरी कार्यालयका डिएसपी प्रकाश डाँगीले जानकारी दिए।
राईले उक्त लागुऔषध कालो पोलिथिनमा हालेर कट्टुभित्र लुकाइराखेको प्रहरीले जनाएको छ। पक्राउ परेका दुवैजनामाथि थप अनुसन्धान भइरहेको प्रहरीले बताएको छ।
Facebook Comments Box