बैतडी: बैतडीमा हावाहुरीले क्षति पुर्याएको छ । मंगलबार राति आएको हावाहुरीले जिल्लाका विभिन्न ठाउँमा क्षति पुर्याएको हो ।
हावाहुरीले स्थानीयका घर तथा विभिन्न ठाउँका विद्यालयमा क्षति भएको छ । पाटन नगरपालिका-१० पनालीमा रहेको सिद्धसिगास आधारभूत विद्यालयका दुई कोठाको छानो उडाएको छ । जसले गर्दा पठनपाठनमा बाधा पुगेको प्रधानाध्यापक प्रतापसिंह बिष्टले बताए ।
यस्तै पाटन-८ का ५ ओटा घरमा क्षति पुगेको छ । खोड्पे बजारमा रहेको धनबहादुर कुवँर, डम्बरसिंह बिष्ट र केशव भट्टले सञ्चालन गर्दै आएको पसलको छानो पनि उडाएको छ । खोड्पे बजारमै रहेको गगनसिंह महराको पसलमा पनि हावाहुरीले क्षति पुगाएको छ ।
यसैगरी पाटन-८ आरुबाटामा पदमसिंह बिष्टको पसलमा पनि हावाहुरीले क्षति भएको छ । हावाहुरीले पुर्याएको क्षतिको विवरण संकलन भइरहेको सो वडाका अध्यक्ष हरिश बिष्टले बताए ।
Facebook Comments Box