काठमाडौँ: व्यक्तिगत जीवनसँग जोडिएको घटनाले गर्दा डेढ वर्ष अघिबाट समस्यासँग गुज्रिरहेकी समीक्षा अधिकारीले अहिले हरेक दिन नयाँ–नयाँ गीत रेकर्ड गराइरहेकी छिन् ।
बिहीवारमात्रै उनले ४ वटा गीत रेकर्ड गराएको बताएकी छिन् । उनले स्वर दिएका गीतहरू दिनहुँजसो युट्युबमा सार्वजनिक हुन थालेका छन् । शुक्रवारमात्रै पनि उनको स्वरमा पशुपति शर्माको चर्चित गीत ‘आफ्नो आफ्नो दुःख’को फिमेल भर्सन सार्वजनिक भएको छ ।
समीक्षा अधिकारीले १३ वर्षको उमेरमा ‘बालापनको उमेर’बोलको फिल्मी गीत गाएर सांगीतिक क्षेत्रमा पाइला राखेकी थिइन् । उनले गाएको पहिलो गीत नै सुपरहिट भयो । उनको व्यस्तता भने ‘माया मारेर’ बोलको गीत गाएपछि बढेको हो । उनका ‘नबोली नबोली’, ‘धनगढीको बसमा’, ‘पछयौरी लिसियो’, ‘सुर्ति माड्दै माड्दै’ जस्ता थुप्रै गीतले बजार पिटेका थिए ।
Facebook Comments Box