धनगढी : नेपालका टिकटकर आयुषसिंह ठकुरीलाई भेट्न पाकिस्तानकी टिकटकर अलिजेह जमाली नेपाल आएकी छन् ।
टिकटक लाइभमा लोकप्रिय रहेका यी जोडी आइतबार प्रत्यक्षरुपमा भेटघाट गरेका छन् । टिकटकबाट प्रेम सम्बन्धमा रहेका थिए । आइतबार पाकिस्तानकी टिकटकर अलिजेह जमाली नेपाली टिकटकर आयुषसिंह ठकुरीलाई भेट्न काठमाडौ पुगेकी हुन् । उनीसंगै उनकी आमा र बहिनी पनि नेपाल आएकी छन् ।
आयुष र अलिजेहसॅंगै टिकटक लाइभमा २ लाख २५ हजार जना हेरेका थिए सो अवसरमा दुबै परिवारले टिकटक सेलिब्रेट गरेका थिए । टिकटकर आयुषसिंह ठकुरीले फेसबुकमा राखेको एक भिडियोमा आयुशले अलिजेहलाई औंठी लगाएको देखिन्छ ।
पाकिस्तानकी टिकटकर अलिजेह हाल दुबईमा बस्दै आएकी थिइन् । टिकटकमा जमाली र ठकुरी प्राय लाइभमा भेट्टिरहन्छन्। उनीहरु दैनिक २ लाख भन्दा धेरै दर्शकसँग लाइभ मार्फत जोडिन्छन्। जालिमले नेपाल बसाईका क्रममा केही म्यूजिक भिडिओमा अभिनय गर्ने छिन्। उनले नेपालका केही स्थानको भ्रमण समेत गर्नेछिन्।