कञ्चनपुर: कञ्चनपुरमा लागुऔषधसहित दुई जना पक्राउ परेका छन् । जिल्लाको बेलौरी नगरपालिका १० सडकघाटबाट सोही ठाउँका २५ वर्षीय सुकदेव सिंह र भारतको पिलभित टिल्ला नं.४ बस्ने २२ वर्षीय सोनु सिंह पक्राउ परेका प्रहरीले बताएको हो ।
भारतबाट नेपाल आउँदै गरेको सोनुले चलाएको यूके ०६ बीएफ ४६९० नम्बरको मोटरसाइकलमा सवार सुकदेवको साथबाट १०.३६ ग्राम लागुऔषध खैरो हिरोइन जस्तो देखिने पदार्थ फेला परेको प्रहरीले जनाएको छ ।
लागुऔषध बरामद गरी आवश्यक कारबाहीको लागि सवारी साधनसहित दुबै जनालाई इलाका प्रहरी कार्यालय बेल्डाँडी ल्याई अनुसन्धान भइरहेको बताइएको छ ।
Facebook Comments Box