धनगढी : धनगढीमा नालीमा एक पुरुषको शव फेला परेको छ ।
धनगढी उपमहानगरपालिका–१४ एच गाउँ घाटस्थित नालीमा सोही ठाउँका ३९ वर्षीय मानबहादुर चौधरीको शव फेला परेको प्रहरीले जनाएको छ ।
जिल्ला प्रहरी कार्यालयका प्रहरी निरीक्षक खगेन्द्र साउँदकाअनुसार बिहीबार चौधरीको शव नालीमा भेटिएको हो । अहिले घटनास्थलमा इलाका प्रहरी कार्यालय बहुलियाको टोली खटिएको छ भने थप अनुसन्धानका जिल्ला प्रहरी कार्यालयबाट समेत प्रहरी टोली त्यहाँ पुगेको छ ।
चौधरीको हत्या भएको हुनसक्ने आशंकामा अनुसन्धान अघि बढाइएको छ ।
Facebook Comments Box