कञ्चनपुरः कञ्चनपुरमा लागुऔषध खैरो हिरोइन र चरेशसहित तीन जना पक्राउ परेका छन् । जिल्लाको भीमदत्त नगरपालिका–७ हल्दुखालबाट सोही ठाँउका २६ वर्षीय विकास चन्दसहित तीन जनालाई पक्राउ परेका हुन् ।
उनीहरुको साथबाट खैरो हिरोइन ७.७३ ग्राम, चरेश ८.७० ग्राम, ४ थान मोबाइल र नगद २० हजार ८ सय बरामद गरिएको प्रहरीले बताएको छ । लागुऔषध नियन्त्रण ब्युरो महेन्द्रनगरबाट खटिएको प्रहरी टोलीले उनीहरुलाई पक्राउ गरेको हो ।
Facebook Comments Box