धनगढीः धनगढीमा गौरा पर्वको अवसरमा सुदूरपश्चिम गौरा महोत्सव हुने भएको छ । हाम्रो संस्कृति हाम्रो पहिचान नेपाल र डेउडा प्रतिष्ठान केन्द्रीय समितिले यस वर्ष पनि सुदूरपश्चिम गौरा महोत्सव आयोजना गर्ने भएका हुन् ।
डेउडा प्रतिष्ठान केन्द्रीय समितिको बैठकले यस वर्ष अझै बृहत रुपले महोत्सवको आयोजना गर्ने निर्णय गरेको छ । बैठकले चार दिनसम्म महोत्सव सञ्चालन गर्ने निर्णय गरेको छ ।
डेउडा प्रतिष्ठानका केन्द्रीय अध्यक्ष वरिष्ठ डेउडा गायक दलबहादुर बोगटीले महोत्सवमा विविध साँस्कृतिक कार्यक्रमसँगै बृहत डेउडा प्रतियोगिता आयोजना गरिने बताए ।
Facebook Comments Box