कैलालीः कैलालीको गोदावरी धाममा नेपाली सेनाले सरसफाइ गरेको छ । दुई दिन लगातार परेको अविरल वर्षापछि आएको बाढीले गोदावरी नगरपालिका-४ स्थित गोदावरी धाम क्षेत्रमा क्षति पुगाएको थियो ।
गुरुबक्स गुल्मका निमिक्त गुल्मपति सह सेनानी सरोज कोइरालाको कमाण्डमा सुदूरपश्चिम पृतना हेडक्वार्टर र सर्वेश्वर गणबाट खटिएको नेपाली सेनाको संयुक्त टोलीले मन्दिरभित्र जम्मा भएको बालुवा तथा माटो हटाएको हो ।
बाढीले गोदावरी धाम क्षेत्रमा रहेका मन्दिरमा ढुङ्गा, माटो, बालुवा, काठका मुढा, झारपात थुपारिदिएपछि दर्शनार्थीले मन्दिरको दर्शन गर्न पाएका थिएनन् ।
प्राकृतिक विपत्तिबाट धनजनको क्षति नहोस् भनेर नेपाली सेनाको विपद् उद्धार टोली कैलालीमा सक्रियता पूर्वक खटिएको बताइएको छ ।
Facebook Comments Box