काठमाडौं : प्रतिनिधिसभाको बैठकमा १६ जना सांसद नियमित १० वटाभन्दा बढी बैठकमा ‘गयल’ देखिएका छन् ।
प्रतिनिधिसभाको बुधबारको बैठकमा १० वटाभन्दा बढी बैठकमा अनुपस्थित सांसदहरुको नाम बिदा स्वीकृतिको लागि प्रस्तुत गरिएको थियो । बैठकमा प्रस्तुत नामावलीअनुसार नेपाली कांग्रेसका सांसद मनोरमा शेरचन थेरापीबाट उपचार गरिरहेकाले बैशाख २४ देखि साउन २७ गतेसम्मका ४७ वटा बैठकमा अनुपस्थित भएकी छन् ।
यस्तै कांग्रेसकै सांसद वीनाकुमारी थनैत अस्वस्थ भएका कारण बैशाख २७ देखि भदौ १ गतेसम्मका ४५ वटा बैठकमा अनुपस्थित भइन् ।
नेकपा माओवादी केन्द्रका सांसद वर्षमान पुन अस्वस्थ भएका कारण बैशाख २४ देखि असार ४ गतेसम्म २९ वटा बैठकमा अनुपस्थित भएका छन् । कांग्रेसका चन्द्रकान्त भण्डारी, जीवन परियार, सपना राजभण्डारी, चन्दा चौधरी र नेकपा एमालेका लालप्रसाद सावा १०-१० वटा बैठकमा अनुपस्थित भएका छन् ।
भण्डारी उपचारका लागि भारत गएका थिए । परियार, चौधरी र सावा विदेश भ्रणमा गएको र राजभण्डारी शोकमा परेका कारण बैठकमा अनुपस्थित भएको बुझिएको छ ।
सभामुख देवराज घिमिरेले १६ जना सांसदकै बिदा स्वीकृतिका लागि बैठकमा प्रस्तुत गरेका थिए । बैठकले सर्वसम्मतबाट बिदा स्वीकृत गरेको छ ।
सूचीः
