काठमाडौं : अहिले अमेरिकाम एक नेपालीको खुबै चर्चा भइरहेको छ। सोलुखुम्बु गोराखानी घर भएका ल्हाक्पा रिन्जी शेर्पाले न्युयोर्कको लागार्डिया विमानस्थलमा साहसिक काम गरेको भन्दै उनको चर्चा भइरहेको हो।
गत मंगलबार लागार्डिया विमानस्थलको पार्किङस्थलमा एउटा कारमा अचानक आगलागी भएको थियो। कारमा आगलागी भएपछि पार्किङस्थल धुँवाले भरिएको थियो।
आगलागीबाट त्रसित भएकाहरू भागदौड गरिरहेका बेला शेर्पा आगलागी नियन्त्रणमा जुटेका थिए। फायर एक्स्टीङ्गगुइसर (आगो निभाउने उपकरण) लिएर उनले ट्याक्सीमा दन्किरहेको आगो निभाए।
उनको साहसिक काम देखेर धेरैले उनलाई ‘हिरो’ भन्दै उक्त आगलागी नियन्त्रण गरिरहेको भिडियो सामाजिक सञ्जालमा हालेका छन्।
Facebook Comments Box