धनगढी: धनगढीमा अटो र मोटरसाइकल ठोक्किएर दुर्घटना भएको छ। आज (शनिबार) बेलुका धनगढी उपमहानगरपालिका-५ स्थित रंगशाला नजिकैको बाल्मिकी स्कुलको अगाडि दुर्घटना भएको हो।
जिल्ला ट्राफिक प्रहरी कार्यालय कैलालीका अनुसार दुर्घटनामा ४ जना घाइते भएका छन्।शिवनगरबाट राष्ट्र बैंकतर्फ आउदै गरेको चालक ४२ वर्षीय मुकेश चौधरीले चलाएको से १ ह ४७५ नम्बरको अटो र विपरीत दिशातर्फ जादै गरेको गोदावरी नगरपालिका ५ गेटा बस्ने ३८ वर्षीय हर्क बोहराले चलाएको सु.प.प्र. ०१-००८ प १५७९ नम्बरको मोटरसाइकल आपसमा ठोक्किएका थिए। दुर्घटनामा परेर मोटरसाइकल चालकको खुट्टा र हातमा चोट लागेको छ भने पछाडी सवार फुलमाया चौधरीको टाउको, हात र खुट्टामा चोट छ।
अटोमा २ जना सवार थिए। अहिले अटो र चालकलाई प्रहरीले नियन्त्रणमा लिएको छ भने घाइतेहरूको निसर्ग अस्पतालमा उपचार भैरहेको प्रहरीले जनाएको छ।
Facebook Comments Box