कैलाली: कैलालीमा लागुऔषधसहित दुई युवक पक्राउ परेका छन् ।
बुधवार जिल्लाको गोदावरी नगरपालिका-१ भरतपुरका २२ वर्षीय नरेश चौधरी र धनगढी उपमहानगरपालिका-११ का २७ वर्षीय अर्जुन चौधरी लागुऔषधसहित पक्राउ परेका हुन् ।
नरेशको घरबाट दुबै जनालाई लागुऔषध सेवन गरिरहेको अवस्थामा पक्राउ गरिएको इलाका प्रहरी कार्यालय मालाखेतीले जनाएको छ ।
उनीहरुको साथबाट २०० मिलिग्राम लागुऔषध खैरो हेरोईन जस्तो देखिने धुलो पदार्थ फेला पारी बरामद गरिएको र दुबै जनालाई नियन्त्रणमा लिई थप अनुसन्धान भइरहेको बताइएको छ ।
Facebook Comments Box