दाङ: बाँकेमा बस दुर्घटना हुँदा ७ जनाको मृत्यु भएको छ।
शुक्रबार राति ९ बजे कोहलपुरको शमशेरगञ्जमा भएको बस दुर्घटनामा ७ को ज्यान गएको जिल्ला प्रहरी कार्यालय बाँकेका प्रहरी प्रवक्ता डिएसपी नारायण डाँगीले बताए।
दाङबाट बर्दियातर्फ आउँदै गरेको ना ७ ख २३२१ नम्बरको बस बाँकेको शमशेरगन्जमा रोकिराखेको ना ८ ख ६४०५ नम्बरको ट्रकमा ठोक्किएको थियो।
बस दुर्घटनामा करिब ३० जना घाइते भएका छन्। घाइतेहरुको बाँकेको कोहलपुर मेडिकल कलेजमा उपचार भइरहेको प्रहरीले जनाएको छ।
दुर्घटनामा काशीराम थारु, कस्तुरी थापा, रुपा परियार, जयन्ती थारु, सहचालक र अन्य २ को मृत्यु भएको हो । सहचालक र अन्य २ को नाम खुलेको छैन।
Facebook Comments Box