धनगढीः कैलालीको लम्कीचुहामा एक बालकमाथि हँसिया प्रहार भएको छ। लम्की चुहानगरपालिका वडा नम्बर ४ का प्रेमबहादुर विष्टले ११ वर्षीय बालक धिरेन्द्र थापालाई हँसिया प्रहार गरेका हुन्।
इलाका प्रहरी कार्यालय लम्कीका प्रमुख इन्सपेक्टर कान्तीराज जोशीका अनुसार भीमबहादुर थापाका ११ वर्षीय धिरेन्द्रलाई ४५ वर्षीय विष्टले हँसिया प्रहार गरेका हुन्। मानसिक रुपमा समस्या रहेका प्रेमबहादुरको प्रहारबाट बालकलाई चोट लागेको छ।
उनको लालरत्न अस्पताल लम्कीमा उपचार भैरहेको र विष्टलाई इलाका प्रहरी कार्यालय, लम्कीले नियन्त्रणमा लिएको जनाएको छ। बालक र प्रेमबहादुर छिमेकी हुन्।
Facebook Comments Box