काठमाडौं : ड्यूटीमा रहेका प्रहरीमाथि अभद्र व्यवहार गरेको आरोपमा एक जना पक्राउ परेका छन् ।
सिन्धुलीको मरिन गाउँपालिका-४ घर भई अहिले काठमाडौंको बुद्धनगर बस्दै आएका ३० वर्षीय राजकुमार घिसिङलाई प्रहरीले समातेको हो ।
हिजोराति तीब्र गतिमा स्कुटर चलाएका घिसिङलाई प्रहरी वृत्त बानेश्वरबाट खटिएको प्रहरी टोलीले शंखमुल सडकमा समातेको थियो ।
त्यसक्रममा उनले चेकजाँचमा खटिएका प्रहरीलाई अपशव्द प्रयोग गर्नुका साथै हातपातसमेत गरेको बताइएको छ।
यस सम्बन्धमा थप अनुसन्धान भइरहेको प्रहरीले जनाएको छ ।
Facebook Comments Box