धनगढीः कैलालीको धनगढीबाट लागुऔषधसहित पाँच जना पक्राउ परेका छन्। धनगढी उपमहानगरपालिका–९ बङग्राकटानबाट ७ सय २० मिलिग्राम लागुऔषधसहित धनगढी–७ मनेहराका २१ वर्षीय नरेश राना र धनगढी–१७ पथरियाका १९ वर्षीय हितेश राना पक्राउ परेका हुन्।
यस्तै धनगढी उपमहानगरपालिका–२ जुगेडाबाट ३ सय ९० मिलिग्राम लागुऔषधसहित सोही ठाँउका २८ वर्षीय राकेश भट्टसहित तीन जना पक्राउ परेका छन्। अस्थायी प्रहरी पोष्ट जुगेडा कैलालीबाट खटिएको प्रहरी टोलीले चेकजाँच गर्दा उनीहरुको साथबाट लागूऔषध फेलापारी पक्राउ गरेको हो।
कैलाली प्रहरीका अनुसार पाँचै जनालाई बुधवार साँझ पक्राउ गरिएको हो। यस सम्बन्धमा प्रहरीले थप अनुसन्धान गरिरहेको छ।
Facebook Comments Box