धनगढी : प्रधानमन्त्री पुष्पकमल दाहाल (प्रचण्ड) भोलि कैलालीको धनगढी आउने भएका छन्।
धनगढी उप–महानगरपालिका–१, पशुपतिटोलमा आयोजित ‘सुदूरपश्चिम महोत्सव–२०८०’ मा सहभागी हुन उनी धनगढी आउन लागेका हुन्।
कैलाली उद्योग वाणिज्य संघको आयोजनामा हुन लागेको महोत्सवको उद्घाटन प्रधानमन्त्री प्रचण्डले गर्नुहुने उनका स्वकीय सचिव रमेश मल्लले बताए।
संघका पदाधिकारीहरुले हिजो उनलाई भेटेर कार्यक्रमको उद्घाटनका लागि निमन्त्रणा दिएको थियो। संघले हरेक वर्ष ‘सुदूरपश्चिम महोत्सव’ को आयोजना गर्दै आएको छ।
१७ औं संस्करणको महोत्सव भोलिदेखि शुरु भएर पुस २ गते समापन हुनेछ।
Facebook Comments Box