गैरआवासीय नेपाली संघ (एनआरएनए) राष्ट्रिय समन्वय परिषद साउदी अरबले महिला नेतृत्व प्राप्त गर्ने भएको छ। संघको नवौं अधिवेशन अन्तर्गत भएको निर्वाचन प्रक्रियामा हालको वरिष्ठ उपाध्यक्ष रविना अर्यालको एकल उम्मेदवारी परेको छ। अर्यालको एकल उम्मेदवारी परेसंगै आगामी अध्यक्षमा उनी निर्वाचित हुने निश्चित भएको छ। आगामी २८ जुलाई रियादमा हुन लागेको अधिवेशनबाट नयाँ नेतृत्वमा सर्वसम्मत चयन गर्न लागिएको छ। वरिष्ठ उपाध्यक्षबाहेक कार्यसमितिको अन्य पदमा निर्विरोध नेतृत्व चयन हुने देखिएको छ। वरिष्ठ उपाध्यक्षमा दुई जनाको उम्मेदवारी परेको र अन्य पद निर्विरोध हुने भएको छ। वरिष्ठ उपाध्यक्ष पदमा उमेश भट्टराई र विशालकुमार श्रेष्ठको उम्मेदवार परेको छ। वरिष्ठ उपाध्यक्ष पदमा निर्वाचन हुँदा अन्य पदमा पदाधिकारी…
Author: महेन्द्रनगर पोष्ट
धनगढी: बैतडीमा अवैध रुपमा मेडिकल चलाइएको पाइएको छ। जिल्लाको सिगास गाउँपालिका–२ स्थित गाँजरी बजारमा अवैध रुपमा मेडिकल चलाएको पाइएको हो। प्रहरी स्रोतका अनुसार प्रमुख जिल्ला अधिकारी सुरेश पन्थी समेतको टोलीले अनुगमनका क्रममा अवैध मेडिकल फेला पारेको हो। ३३ वर्षीय खेमराज अवस्थीले उक्त मेडिकल चलाएको फेला परेको हो। अवस्थीले बिरामी जाँचिरहेको बेला अनुगमन टोलीले फेला पारेपछि पक्राउ गरिएको र उक्त मेडिकल सिल गरिएको बताइएको छ। अवस्थीले सिएमए अनुत्तीर्ण भएको र २०७१ सालदेखि अवैधानिक रुपमा मेडिकल सञ्चालन गरिरहेको अनुसन्धानबाट खुलेको छ। उक्त मेडिकल कतै दर्ता समेत नभेटिएको जनाइएको छ।
काठमाडौँ : करीब एक क्विन्टल सुन तस्करी प्रकरणमा संलग्न रहेको आरोपमा दुई जना कार्गो सञ्चालक पनि पक्राउ परेका छन्। राजस्व अनुसन्धान विभागको टोलीले बिहीबार साँझ उनीहरूलाई पक्राउ गरेको हो। ट्रान्स ग्लोबल सर्भिसका पुष्कर भट्ट र एलिस ट्रान्स ग्रुपका सञ्चालक राजन श्रेष्ठलाई पक्राउ गरिएको विभागका महानिर्देशक नवराज ढुङ्गानाले बताए। विभागले साउन ३ गते साँझ त्रिभुवन अन्तर्राष्ट्रिय विमानस्थलबाट करीब एक क्विन्टल सुन बरामद गरिको थियो। विमानस्थलको गेट पास गरेर ट्याक्सी लग्दै गर्दा विभागको टोली सुन बरामद गरेको थियो। यसमा संलग्न रहेको आरोपमा विभागले दुई जना कार्गो सञ्चालक सहित नौ जनालाई पक्राउ गरिसकेको छ। यसअघि बिहीबार अपराह्न चिनियाँ नागरिक जेयुङ लिन पक्राउ परेका…
काठमाडौँ : विमानस्थल भन्सार गोदाममा थप ६ वटा कार्टुन फेला परेको छ । दिनभर विमानस्थल परिसरमा सुनको खोजी गरिरहेको राजस्व अनुसन्धान विभागका महानिर्देशसहितको टोलीले रेडी ट्रेडर्सले नै आयात गरेका थप कार्टुन फेला पारेको हो । सुन आयात भएकै कम्पनीले ल्याएका ती कार्टुनभित्र पनि सुन नै हुन सक्ने आशङ्का विभागको छ । ती कार्टुनहरूलाई अहिले सिलबन्दी गरेर राजस्व अनुसन्धान विभाग हरिहर भवन पठाउने तयारी भइरहेको एक अधिकृतले जानकारी दिए
काठमाडौँ: त्रिभुवन अन्तर्राष्ट्रिय विमानस्थलमा १०० किलो अवैध सुन फेलापरेको घटनामा संलग्न भएको आरोपमा पक्राउ परेकाहरुको म्याद थप गरिएको छ। पक्राउ परेका ६ जनालाई १० थुनामा राखेर अनुसन्धान गर्न उच्च अदालतले पाटनले राजश्व अनुसन्धान विभागलाई अनुमति दिएको हो। राजस्व अनुसन्धान विभागले बुधबार साँझ त्रिभुवन अन्तर्राष्ट्रिय विमानस्थलबाट करिब सय किलो सुन बरामद गरेको थियो।
काठमाडौँ : मोटरसाइकल लगायत विभिन्न सामान चोरीमा संलग्न रहेको आरोपमा धनुषामा ३० युवक पक्राउ परेका छन्। जिल्ला प्रहरी कार्यालय, धनुषाले विभिन्न स्थानबाट उनीहरूलाई पक्राउ गरेको हो। केही दिनयता पक्राउ परेका उनीहरूलाई प्रहरीले बिहीबार सार्वजनिक गरेको छ। मोटरसाइकल लगायत सरसामान चोरीमा संलग्न रहेको आरोपमा पक्राउ परेका युवक १७ देखि ३८ वर्षसम्मका छन्। मोटरसाइकलसँगै हेल्मेट, धर्मशालामा चोरी गर्ने, पसलबाट नगद चोरी गरेको आरोपमा उनीहरूलाई पक्राउ गरिएको प्रहरी नायब उपरीक्षक ९डीएसपी० वेदप्रसाद गौतमले बताए। डीएसपी गौतमका अनुसार केही व्यक्ति यसअघि पनि चोरीको आरोपमा पक्राउ परेका थिए। पटक पटक पक्राउ परेका उनीहरूले चोरी गरेको स्विकारेको पनि डीएसपी गौतमले बताए। गत आर्थिक वर्षमा धनुषा प्रहरीमा…
धनगढीः कैलालीमा कर्तव्य ज्यान मुद्धामा फरार रहेका एक जना १७ वर्षपछि पक्राउ परेका छन्। जिल्लाको गोदावरी नगरपालिका–११ का ६५ वर्षका माने कामीलाई आज९बिहीवार० पक्राउ गरेको हो। उनलाई बिहीबार पक्राउ गरि कारबाहीका लागि जिल्ला अदालत कैलालीमा पेश गरिएको प्रहरीले जनाएको छ। मानेलाई जिल्ला अदालत कैलालीले २०६३ मंसिर २५ गते कर्तव्य ज्यान मुद्धामा ७ वर्ष १ महिना कैद सजाय तोकेको थियो।
धनगढी : कञ्चनपुरमा कारसहित अवैध रुपमा ल्याइरहेको साढे ९ लाख बराबरको सामान बरामद गरिएको छ । भिमदत्त नगरपालिका–४ बाट बिहीबार अवैध रुपमा भन्सार छली गरी ल्याइरहेको अवस्थामा विभिन्न मोवाईलका कभर, मोवाईल चार्जर केबल, स्टेसनरीका सामानसहित कारम बरामद गरिएको प्रहरीले जनाएको छ । जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) प्रकाश डाँगीले कारमा बोकेर ल्याइरहेको अवस्थामा ९ लाख ४० हजार बराबरको सामान बरामद गरेर आवश्यक कारवाहीका लागि भन्सार कार्यालय गड्डाचौकी बुझाइएको जानकारी दिए । उनकाअनुसार कार चालक समेतलाई भन्सार कार्यालयमा बुझाइएको हो तर चालकको परिचय भने खुलाइएको छैन ।
कैलाली : राष्ट्रपति रामचन्द्र पौडेल र सुदूरपश्चिम प्रदेशका मुख्यमन्त्री कमल बहादुर शाहबीच भेटवार्ता भएको छ । राष्ट्रपति निवास शीतल निवासमा उनीहरुबीच भेटघाट भएको हो । राष्ट्रपतिको स्वास्थ्य अवस्थाबारे मुख्यमन्त्रीले जानकारी लिएका थिए । राष्ट्रपति पौडेलले सुदूरपश्चिम प्रदेशको विकास र समृद्धिको यात्रामा अघि बढ्न शुभकामना दिएका थिए। बजेट पारित भएपछि मुख्यमन्त्री शाह काठमाडौंमा शीर्ष नेता र राजनीतिक भेटघाटमा छन् । यसै क्रममा आज राष्ट्रपति पौडेल र मुख्यमन्त्री शाह बिच भेटवार्ता भएको हो ।
काठमाडौं : कान्तिपुर टेलिभिजनले विवादास्पद शो ‘ह्वाट द फ्लप’ को प्रसारण बन्द गरेको छ । गत असार २३ गते शनिबारको श्रृंखलामा अभिनेता पल शाहसँग सञ्चालक सन्दीप क्षेत्रीले लिएको अन्तरवार्ता विवादमा परेपछि कान्तिपुर उक्त कार्यक्रम बन्द गर्ने निर्णयमा पुगेको हो । कार्यक्रममा सञ्चालक क्षेत्रीले महिलाबारे निकै हल्का र गैरजिम्मेवारपूर्ण टिप्पणी गरेका थिए । अन्तरवार्तामा सन्दीप र पलको प्रस्तुतिलाई लिएर सामाजिक सञ्जालमा व्यापक आलोचना भएपछि उक्त श्रृंखला युट्युबबाट हटाइएको थियो । त्यसपछि पनि सोही कार्यक्रमलाई लिएर आमआलोचना नरोकिएपछि कान्तिपुरले महिलाको आत्मसम्मान र समाजको चेतनालाई सम्मान गर्दै अब उप्रान्त ‘ह्वाट द फ्लप’ प्रसारण नगर्ने बताएको हो । कान्तिपुरले आज प्रकाशित गरेको सूचनामा ‘ह्वाट…