काठमाडौँ : प्रधानमन्त्री पुष्पकमल दाहाल ‘प्रचण्ड’ले पछिल्लो समय पशुहरूमा देखिएको लम्पी स्किन रोग नियन्त्रण गर्न सरकारले गम्भीर रहेको बताएका छन् । कृषि तथा पशुपंक्षी मन्त्रालय, पशुसेवा विभागद्वारा आयोजित एक छलफल कार्यक्रममा प्रधानमन्त्रीले यस्तो बताएका हुन् । लम्पी स्किनको बारेमा यसअघि नै आफूले कृषि मन्त्रालय र अर्थ मन्त्रालयसँग लगातार छलफल गरेको बताउँदै प्रधानमन्त्रीले कृषि र अर्थसँग पशुहरूमा लागेको रोगको विषयमा भएको कुराको प्रचार-प्रसार नभएको समेत बताए । लम्पी स्किन रोग यसअघि दुई वर्ष अगाडि नै भारत र चीनमा देखिएको उल्लेख गर्दै प्रधानमन्त्री प्रचण्डले यो रोग यसअघि देखिएका छिमेकी देशहरूबाट सिकेर बेलैमा नेपालमा तयारी गर्न नसक्नु कमजोरी भएको बताए । प्रधानमन्त्री प्रचण्डले…
Author: महेन्द्रनगर पोष्ट
काठमाडौं : राष्ट्रिय प्रजातन्त्र पार्टी (राप्रपा)ले केन्द्रीय कार्यालय सार्न काठमाडौं महानगरपालिकासँग ३५ दिनको समय माग गरेको छ। महानगरलाई पत्र लेखेर कार्यालय सार्न राप्रपाले ३५ दिन माग गरेको हो। बिजुलीको हाइटेन्सन लाइन मुनी रहेको पार्टी कार्यालय महानगरले हटाउने तयारी गरेपछि राप्रपाले समय मागेको महानगरले जनाएको छ। महानगरले शुक्रबार राप्रपाको पार्टी कार्यालय सार्न तीन दिनको समयावधि दिँदै सूचना जारी गरेको थियो। सूचनालाई राप्रपाले अटेर गरेको भन्दै महानगर प्रहरीले सोमबार डोजर लिएर हाँडीगाउँसम्म पुगेकोमा राप्रपाका कार्यकर्ताले सडकमा गाडी तेर्साएर डोजर जान अवरोध सिर्जना गरेका थिए। यहीबीच राप्रपाले समय माग गरेको हो।
कञ्चनपुरः कञ्चनपुरमा वन मुद्धामा फरार रहेका एक जना पक्राउ परेका छन्। जिल्लाको लालझाडी गाउँपालिका–३ का समिर भन्ने रामभरासे रानालाई उनकै घरबाट प्रहरीले सोमवार पक्राउ गरेको हो। रानालाई जिल्ला अदालत कञ्चनपुरले ‘वन पैदावार ओसार पसार’ मुद्धामा २०७६ माघ १५ गते पाँच महिना २६ दिन कैद र ३४ हजार ३४० रुपैयाँ जरिबाना तोकेको थियो। राना सोहि दिनबाटै फरार रहेको थिए। अदालतले रानालाई आजै सजाय भुक्तानकालागि कारागार चलान गरेको छ।
धनगढी: धनगढीमा आफूलाई सुविधा सम्पन्न दाबी गर्ने एसपीए (सुदूरपश्चिमान्चल) क्याम्पसको गाडी प्रहरीको फन्दामा परेको छ। आज (सोमबार) क्याम्पसबाट निस्केको सुदूरपश्चिम प्रदेश ०१-००१ क २०६९ नम्बरको बस ट्राफिक प्रहरीको फन्दामा परेको हो। जिल्ला ट्राफिक प्रहरी कार्यालय कैलालीका प्रमुख बिरेन्द्र जोहारीले एसपीएको सो बसले सीट क्षमताभन्दा बढी विद्यार्थी राखेर ओसारपसार गर्ने गरेको पाइएपछि नियन्त्रणमा लिइएको बताए। उनका अनुसार अहिले चालकलाई कारबाही (जरिवाना कटाएर) गरेर बसलाई तत्कालका लागि छोडिएको छ। आज दिउँसो कैलाली ट्राफिक कार्यालय भन्दा अगाडि प्रहरीले चेकजाँच गर्दा सो बसमा क्षमता भन्दा बढी विद्यार्थी राखेको पाइएको थियो। प्रहरीले एसपीएको यो पुरानै समस्या भएको र पटकपटक जानकारी गराइ सचेत गराउदा पनि अटेरी…
काठमाडौँ : मधेश प्रदेश सरकारमा दुई जना मन्त्री नियुक्त भएका छन् । काँग्रेसबाट मोहमद समिम गृह सञ्चार तथा कानुन र जनमतबाट चन्दन सिंह श्रम तथा यातायात मन्त्री नियुक्त भएका हुन् । नव नियुक्त मन्त्री द्वयले प्रदेश प्रमुख हरिशंकर मिश्रबाट पद तथा गोपनीयताको शपथ लिएका छन् । मधेश सरकारले आज छैटौँ पटक मन्त्रिपरिषद् विस्तार गरेको हो । योसँगै मन्त्रिपरिषद्ले पूर्णता पाएको छ भने जसपाबाट विना विभागीय मन्त्री रहेकी सुरिता साह यथावत् छन् ।
काठमाडौँ : अख्तियार दुरुपयोग अनुसन्धान आयोगले एक इन्जिनियरविरुद्ध भ्रष्टाचार मुद्दा दायर गरेको छ । सडक पिसिसि ढलान र ग्राभेल गर्ने कार्यको नापजाँच पश्चात् भुक्तानी दिने प्रयोजनार्थ सेवाग्राहीसँग घुस लिएको आरेपमा कोटहीमाई गाउँपालिका इन्जिनियर (सेवा करार) अरविन्द कुमार यादवविरुद्ध आज विशेष अदालत काठमाडौँमा मुद्दा दायर गरिएको हो । सेवाग्राहीसँग घुस/रिसवत माग गरिरहेको भन्ने सूचनाका आधारमा अख्तियारको कार्यालय बुटवलबाट खटिई गएको टोलीले इन्जिनियर यादवलाई सेवाग्राहीबाट रु. ४५ हजार रुपैयाँ घुस लिइसकेको अवस्थामा गत असार २० गते नियन्त्रणमा लिएको थियो। अनुसन्धानको सिलसिलामा इन्जिनियर यादवले कोटहीमाई गाउँपालिका वडा नम्बर ७ अन्तर्गतको सडक पि.सी.सी. ढलान र ग्राभेल गर्नको लागि कोटेशनमार्फत काम गरी भुक्तानी गर्ने क्रममा…
धनगढीः पशुपन्छी रोग अन्वेषण प्रयोगशाला धनगढीले आफ्ना सेवा बन्द गरेको छ । चालु आर्थिक वर्षमा कुनै पनि शीर्षकमा बजेटको व्यवस्था नभएकाले बाध्य भएर सेवाहरु बन्द गर्नुपरेको प्रयोगशालाका प्रमुख डा. नरेश जोशीले बताए । उनले अर्को व्यवस्था नभएसम्मका लागि आजबाट आकस्मिकबाहेकका सबै सेवा बन्द गरिएका बताए । आर्थिक वर्ष २०८०–८१ को बजेट वक्तव्यमा उल्लेख भएअनुसार संस्थागत संरचनाको समेत अन्योलता रहेको जनाइएको छ। जस कारण बजेटको व्यवस्था नहुँदा प्रदान गर्दै आएका सेवाहरु बन्द गर्नुपरेको जोशीले बताए। सुदूरपश्चिम प्रदेशभर अहिले पशु चौपायामा लम्पी स्किन रोगको प्रकोप भयावह रुपमा फैलिरहेको छ । प्रयोगशालाले पशुपन्छीमा लाग्ने विभिन्न रोगको जाँच गर्दै आएको थियो ।
काठमाडौँ: साउन १२ गतेसम्म देशभर ७७ प्रतिशत रोपाइँ सम्पन्न भएको कृषि सूचना तथा प्रशिक्षण केन्द्रले जनाएको छ । गत वर्ष यही समय अर्थात् साउन १२ गतेसम्म ९० प्रतिशत धान रोपाइँ सम्पन्न भएको केन्द्रका प्रमुख प्रकाशकुमार सञ्जेलले जानकारी दिए । देशभर १३ लाख ५७ हजार आठ सय १६ हेक्टर क्षेत्रफलमा धान रोपाइँ हुने गरेको छ । जसमध्ये हालसम्म १० लाख ५३ हजार चार सय चार हेक्टर क्षेत्रफलमा मात्र धान रोपाइँ सकिएको केन्द्रले जनाएको छ । यस वर्ष कोशी प्रदेशमा ८४ प्रतिशत भूभागमा धान रोपाइँ भएको छ । सो प्रदेशमा गत वर्ष यही समयमा ८८ प्रतिशत भूभागमा धान रोपाइँ सम्पन्न भएको थियो…
धनुषा: मधेस प्रदेश सरकारका दुई जना मन्त्रीले पदबाट राजीनामा दिएका छन् । प्रदेश सरकारका विनाविभागीय मन्त्री वसन्त कुशवाहा र विनाविभागीय राज्यमन्त्री सञ्जयकुमार यादवले आज सोमवार मुख्यमन्त्री सरोजकुमार यादवसमक्ष राजीनामा बुझाएका हुन् । दुवै जना जनमत पार्टीका तर्फबाट सरकारमा सहभागी थिए । जनमत पार्टीका नेता वीपी साहका अनुसार दुवै जना मन्त्रीले पार्टीको निर्देशनअनुसार राजीनामा बुझाएका हुन् । यसअघि मन्त्री कुशवाहाले सम्हालेको भूमि व्यवस्था कृषि तथा सहकारी मन्त्रालयको जिम्मेवारी गएको जेठ ९ गते मुख्यमन्त्री सरोजकुमार यादवले नेकपा (एकीकृत समाजवादी)का गोविन्द न्यौपानेलाई दिएका थिए । त्यसयता कुशवाहा विनाविभागीय मन्त्रीको हैसियतमा थिए । नेता साहका अनुसार उनीहरूको ठाउँमा नयाँ दुई जनालाई मन्त्री सरकारमा पठाउने…
कैलाली: टीकापुर–२ राजीपुर मिलनचोकका कालीदेवी सुनारको परिवार मस्त निन्द्रामा थियो । निदाएका कालीदेवीको घर एक्कासी हल्लिन थाल्यो । कालीदेवीले घर किन हल्लियो भनी टर्च बालेर हेर्दा घर हात्तीले भत्काउन थालेको थियो । कालीदेवीले केही सोच्नै सकिनन् । हात्तीले उनको ठाटी घरका साथै भकारीमा भण्डारण गरेको धान, गहुँलगायत खाद्यान्न सबै नष्ट गरिदियो । “हात्तीले पछाडि घरमा हान्न थाल्यो, भूकम्प आयो कि भन्ने सोचेँ, कालीदेवीले भनिन्, “घरका भित्ता भत्कन थालेपछि टर्च बालेर हेर्दा हात्ती मच्चिएको थियो । हामी घरमा चार जना थियौँ, छोरी, छोरा र १३ वर्षको नाती । बालबच्चालाई कसरी उठाएर सुरक्षित स्थानसम्म पुर्याए थाहा छैन ।” हात्तीले पछाडितिर भत्काउन थालेपछि…