धनगढीः कैलालीका बेग्लाबेग्लै स्थानबाट लागुऔषधसहित ४ जना पक्राउ परेका छन्। शनिबार कैलारी गाउँपालिका–७ बसन्तामा रामपुरबाट ५४ वर्षीय सुकानु चौधरीलाई से ७ प २५०४ नम्बरको कुटी चेकजाँच गर्ने क्रममा पक्राउ गरिएको हो। चौधरीको साथबाट ३८ ग्राम ४८० मिलिग्राम लागुऔषध खैरोहिरोइन फेलापारी लागुऔषध ब्युरो नेपालगंज र इलाका प्रहरी कार्यालय हसुलियाबाट खटिएको संयुक्त प्रहरी टोलीले शनिवार पक्राउ गरेको हो। धनगढी उपमहानगरपालिका–२ त्रिनगर ब्यारेल नजिकबाट कञ्चनपुर पुनर्वास नगरपालिका–११ का ४२ वर्षीय बिक्रम सुवाल पक्राउ परेका छन्। जिल्ला प्रहरी कार्यालय कैलालीबाट खटिएको प्रहरी टोलीले १६० मिलिग्राम ब्राउन सुगरसहित सुवाललाई पक्राउ गरेको हो। यस्तै टिकापुर नगरपालिका–४ अस्नेरीमा २३ वर्षीय गणेश कार्कीसहित २ जनाबाट ६० मिलिग्राम लागुऔषध खैरो…
Author: महेन्द्रनगर पोष्ट
धनगढीः कैलालीस्थित गेटामा विश्वविद्यालय सञ्चालनको माग गर्दै आज (आइतवार) सुदूरपश्चिम ठप्प हुने भनिएको छ। गेटामा सहिद दशरथ चन्द स्वास्थ्य विज्ञान विश्वविद्यालय सञ्चालनको माग गर्दै आइतबार सुदूरपश्चिममा आमहड्तालको घोषणा गरिएको हो। स्वास्थ्य विज्ञान विश्वविद्यालय स्थापनार्थ संघर्ष समितिका संयोजक लोकराज पाण्डेय ‘आगो’ले आइतवार सुदूरपश्चिम पूर्ण रुपमा ठप्प हुने बताएका थिए। सोही आव्हानपछि आज सुदूरपश्चिमम सबै जिल्ला जोड्ने अत्तरिया सुनसान बनेको छ। तर, सुरक्षाकर्मीको उपस्थिति भने बाक्लो छ।
कञ्चनपुर: भारतको उत्तराखण्ड अन्तर्गत वनबासा नजिकैको चकरपुरमा दुर्घटनामा परि एकै परिवारका ४ जनाको ज्यान गएको छ। कञ्चनपुरको उल्टाखाम घर भएका चन्द परिवारका ४ जना उक्त दुर्घटनामा बितेका हुन्। शनिबार भएको उक्त दुर्घटनामा नेपाल घर भइ खटिमाको गोयल कलिनी, मुडेली बस्दै आएका ६० वर्षीय नेमबहादुर चन्द, उनकी पत्नी ५६ वर्षीया सरस्वती, २३ वर्षीया बुहारी नर्मदा चन्द र भाईकी पत्नी कल्पना चन्दको मृत्यु भएको भारतीय सञ्चारमाध्यमले जनाएका छन्। उनीहरू चारैजना बनबासा हुँदै २ वटा स्कुटरमा खटिमातर्फ गइरहेका थिए। उनीहरुलाई विपरीत दिशाबाट आइरहेको कारले ठक्कर दिएको थियो।
धनगढीः कैलालीस्थित गेटामा निर्माणाधिन सहिद दशरथ चन्द स्वास्थ्य विज्ञान विश्वविद्यालय सञ्चालनको माग गर्दै आज सुदूरपश्चिममा नागरिक स्तरबाट आमहड्तालको घोषणा गरिएको छ। तर, नेकपा माओवादी जिल्ला समन्वय समिति कैलाली र नेपाली काँग्रेसले आमहड्ताल फिर्ता गर्न अनुरोध गरेको छ। दुवै पार्टीले आफ्नो पार्टी शान्तिपुर्ण रुपले गरिने आन्दोलनमा सर्मथन, सम्मान गर्ने र बन्दहड्ताल, चक्काजाम र आमहड्ताल अहिले नै गरिहाल्नुपर्ने आवश्यक नरहेको उल्लेख गरेको छ। सुदूरपश्चिमको स्वास्थ्य सेवा र स्वास्थ्य शिक्षाका साथै समग्र आर्थीक विकासमा कोशेढुङ्गा सावित हुने गेटामेडिकल कलेजप्रति यस क्षेत्रका आम जनता, नागरिक समाज, वौद्घिक वर्गसहित सबैपक्षको चासो र सरोकारप्रति सम्मान गर्दै आन्दोलन फिर्ता लिन विज्ञप्तिमार्फत आग्रह गरिएको छ। विज्ञप्तिमा भनिएको छ, ‘गेटा…
बिमल बाेहरा, डडेल्धुरा: डडेल्धुरामा धान रोपाइँ सुरु भएको छ। जिल्लाको अमरगढी नगरपालिका- ३ डाेटी घटाल क्षेत्रमा यस वर्षकाे धान रोपाइँ सुरु भएकाे हो। धान उत्पादनमा जिल्लाकै उत्कृष्ट मानिने उक्त क्षेत्रमा शनिबारदेखि रोपाइँ सुरु भएकाे छ। अहिले उक्त क्षेत्रमा हिउँदे बाली आलु खनेर धमाधम रोपाइँ भइरहेको छ। पछिल्लो समय कृषिमा आधुनिकरण हुँदा रोपाइँ गर्न केही सजिलाे भएकाे स्थानीय कृषक रेनुका जैसी बताउँछिन्। जिल्लामा सिचाईं हुने स्थानमा समयमै रोपाइँ गरिन्छ भने सिचाईं हुने अवस्था नभएका ठाउँमा आकाशको पानीको भर पर्नुपर्ने हुन्छ।
धनगढीः सुदूरपश्चिममा आज आमहड्तालको आव्हान गरिएको छ। कैलालीस्थित गेटामा सहिद दशरथ चन्द स्वास्थ्य विज्ञान विश्वविद्यालय सञ्चालनको माग गर्दै आमहड्तालको घोषणा गरिएको थियो। स्वास्थ्य विज्ञान विश्वविद्यालय स्थापनार्थ संघर्ष समितिका संयोजक लोकराज पाण्डेय ‘आगो’ले आज(आइतवार) सुदूरपश्चिम पूर्ण रुपमा ठप्प हुने बताए। उनले यातायात व्यवसायी, राजनीतिक दल, व्यापारीहरुले पनि सहयोग गर्ने बताएका छन्। संघर्ष समितिका संयोजक ‘आगो’ले आइतवार बिहान ८ देखि साँझ ६ बजेसम्म सुदूरपश्चिम प्रदेशका शैक्षिक, वित्तीयलगायतका संघ/संस्था तथा कलकारखाना, व्यापार र यातायात पूर्ण रुपमा बन्द गरिने बताए। संघर्ष समितिले शुक्रवार सुदूरपश्चिमका उद्योगी, व्यापारी, तथा सार्वजनिक यातायातका सञ्चालकहरुसँग छलफल गरेको थियो। संघीय मन्त्रिपरिषदले २०७९ माघ २९ गते र जेठ ५ गतेको संघीय सरकारको…
काठमाडौँ: आज दिउँसो कोशी, बागमती र गण्डकी प्रदेशका थोरै स्थानहरू र बाँकी प्रदेशका पहाडी भू-भागका एक-दुई स्थानमा चट्याङ्गसहित हल्कादेखि मध्यम वर्षाको सम्भावना रहेको छ। राति कोशी, बागमती र गण्डकी प्रदेशका थोरै स्थानहरूका साथै मधेश प्रदेश लगायत देशका बाँकी पहाडी भू-भागका एक-दुई स्थानमा चट्याङ्गसहित हल्कादेखि मध्यम वर्षाको सम्भावना रहेको महाशाखाले जनाएको छ । हाल देशमा पश्चिमी वायुका साथै बंगालको खाडीको जलबाष्फ युक्त हावा र बिहार आसपास भएको न्यून चापिय क्षेत्रको आंशिक प्रभाव रहेको मौसम पूर्वानुमान महाशाखाले जनाएको छ। जसको प्रभावले कोशी प्रदेश लगायत देशका पहाडी भू-भागमा आंशिक देखि सामान्य बदली रहेको छ। कोशी प्रदेशको पहाडी भू-भागका एक-दुई स्थानमा हल्का वर्षाको भइरहेको…
धनगढी : कञ्चनपुरमा सशस्त्र प्रहरीले चलाएको मोटरसाइकलले ठक्कर दिएपछि एकजना घाइते भएका छन्। जिल्लाको पुनर्वास नगरपालिका–११ मा शनिबार सशस्त्र प्रहरी इन्द्र धामीले चलाएको बाइकले यज्ञमुर्ति उपाध्यायको बाइकलाई ठक्कर दिएको हो। प्रहरीका अनुसार उपाध्यायको से ३ प ५०८० र धामीले चलाएको सु.प.प्र.०१०११ प ४१६२ नम्बरको मोटरसाइकल ठोक्किएका थिए। ठक्करबाट उनीहरु दुबै घाइते भएका छन्। उपाध्याय कैलालीको धनगढीका हुन् भने धामी त्यहीँ ठाउँका स्थानीय हुन्। उपाध्यायको मोटरसाइकलमा पछाडी सवार इन्द्र पुरुषको पनि खुट्टा भाँचिएको छ। यो घटनामा प्रहरीले सशस्त्रलाई उन्मुक्ति दिन खोजेर भगाएको आरोप लागेको छ। तर त्यहाँका प्रहरी इन्चार्ज असई लालबहादुर ठकुल्लाले भने त्यसो नभएको दाबी गरेका छन्। उनले सशस्त्र प्रहरीमा…
जनकपुरधाम : पर्सामा विभिन्न पार्टी परित्याग गरी ठूलो संख्यामा नेता कार्यकर्ताहरू जनमत पार्टीमा प्रवेश गरेका छन् । वीरगञ्जमा आज आयोजित एक समारोहबीच पूर्व मन्त्री करिमा बेगम, पूर्व मधेश प्रदेश सांसद प्रह्लाद गिरी, लोसपाका केन्द्रीय सदस्य शशी कपुर मियाँलगायतका नेता कार्यकर्ताहरू जनमत पार्टीमा प्रवेश गरेका हुन् । उनीहरूलाई जनमतका राष्ट्रिय अध्यक्ष डा. सीके राउतले फूलमाला लगाएर पार्टीमा भित्र्याए । पर्सामा विभिन्न पार्टीका करिब १ हजार बढी नेता कार्यकर्ता जनमत पार्टीमा प्रवेश गरेको सो पार्टीले दाबी गरेको छ । पूर्व मन्त्री, पूर्व सांसद र केन्द्रीय नेताहरू समेत प्रवेश गरेपछि जनमत पर्सामा मजबुत बन्दै गएको छ । सो कार्यक्रमलाई सम्बोधन गर्दै जनमतका राष्ट्रिय…
पाल्पा : पाल्पामा प्रहरीले अवैध युरिया मल बरामद गरेको छ । जिल्लाको रामपुर नगरपालिका र रम्भा गाउँपालिकाबाट एक हजार २२ बोरा अवैध मल प्रहरीले बरामद गरेको हो । रामपुर नगरपालिका–५ स्थित बेझाड बजारमा विजय श्रेष्ठको चारतले घरको सटर कोठामा अवैधरूपमा भण्डारण गरी राखेको छ सय ५० बोरा र रम्भा गाउँपालिका–१ स्थित कालीगण्डकी करिडोर सडकखण्डमा प्रहरी चौकी हुँगीले तीन सय ७२ बोरा मल बरामद गरेको छ । रामपुर नगरपालिकाका उपप्रमुख बालकुमारी थापाको संयोजकत्वमा रहेको उपभोक्ता हित संरक्षण समिति र प्रहरीले शनिबार दिउँसो अनुगमन गर्ने क्रममा मल फेला पारेको हो । केही दिनदेखि रामपुर–५ बेझाडस्थित विजय श्रेष्ठको घरको पहिलो तलाको भाडाको सटर…