धनगढीः राष्ट्रपति विद्यादेवी भण्डारीबाट ३९५ जना कैदीबन्दीको सजाय माफी भएको छ। मन्त्रिपरिषद्को हिजो बसेको बैठकको सिफारिसका आधारमा पर्सिदेखि लागू हुने गरी ती कैदीबन्दीको सजाय माफी भएको बताइएको छ। विष्णुकुमार लिम्बुसमेतका ३८१ जना कैदीहरूको भुक्तान हुन बाँकी कैद सजाय नेपालको संविधानको धारा २७६, फौजदारी कसूर (सजाय निर्धारण तथा कार्यान्वयन) ऐन, २०७४ को दफा ३७ तथा ज्येष्ठ नागरिक ऐन, २०६३ को दफा १२ बमोजिम राष्ट्रिय प्रजातन्त्र दिवस, २०७९ को उपलक्ष्यमा माफी गरिएको हो। त्यसैगरी राष्ट्रपतिबाट मन्त्रिपरिषद्को हिजैको सिफारिसका आधारमा पुष्कर गौतम समेतका १४ जना व्यक्तिलाई पनि माफी दिइएको छ। विभिन्न अदालतबाट विभिन्न मितिमा भएका फैसलाबमोजिम उनीहरुमाथि लागेको सजाय नेपालको संविधानको धारा २७६…
Author: महेन्द्रनगर पोष्ट
धनगढीः सशस्त्र प्रहरी बल नेपालले हालै बढुवा भएका चार जना डिआईजीको पदस्थापन गरेको छ। प्रधानमन्त्रीको जिम्मेवारीमा रहेको गृहमन्त्रालयले हालै गरेको बढुवामा चार जना सशस्त्र प्रहरी एसएसपी डिआईजी बनेका हुन्। उनीहरुलाई हिजोको मितिमा सशस्त्र प्रहरी बलको मुख्यालय, मानवस्रोत विभागले विभिन्न इकाइमा पदस्थापन गरेको हो। जसअनुसार सुरेशकुमार श्रेष्ठलाई हुल तथा दंगा व्यवस्थापन तालिम शिक्षालय, लामापाटन, पोखराको जिम्मेवारी दिइएको छ। त्यसैगरी अञ्जनीकुमार पोखरेललाई विपद् व्यवस्थापन तालिम शिक्षालय, कुरिनटार, चितवन, दीपेन्द्र शाहलाई युएन शान्ति स्थापना तालिम शिक्षालय, ककनी र पुरुषोत्तम थापालाई प्रधान कार्यालयको मावनस्रोत विभागमा राखिएको छ। चारै जना डिआईजी सशस्त्र प्रहरी बलमा २०५९ कात्तिक ४ गतेका दिन इन्स्पेक्टरमा भर्ना भएका हुन्। त्यतिबेला उतीर्ण…
धनगढी: अवैध लागूऔषध चरेशसहित प्रहरीले कञ्चनपुरको कृष्णपुरबाट एक जनालाई नियन्त्रणमा लिएको छ। हिजो दिउसो ४ः३० बजेको समयमा इलाका प्रहरी कार्यालय गुलरियाबाट वरिष्ठ सई राधाकृष्ण नाथको कमाण्डमा खटिएको गस्ती टोलीले एक किलो भन्दा बढी चरेशसहित कृष्णपुर नगरपालिका–४ त्रिवेणी चोकका कमल दौल्याललाई पक्राउ गरेको हो। बिषेश सुराकीको आधारमा त्यहाँ पुगेको गस्ती टोलीले दौल्यालको घरमा चेकजाँच गर्दा १ किलो ६२ ग्राम चरेश फेला पारेर उनलाई नियन्त्रणमा लिएको जिल्ला प्रहरी कार्यालय कञ्चनपुरका सूचना अधिकारी प्रहरी निरीक्षक भरतराज गिरीले जानकारी दिए। यस्तै हिजै लागूऔषध नियन्त्रण ईकाई कार्यालय महेन्द्रनगर र जिल्ला प्रहरी कार्यालयबाट खटिएको टोलीले खैरो हेरोइनसहित भीमदत्त नगरपालिका–५ बनगाँउ बस्ने बिबेक ठगुन्नालाई पनि पक्राउ गरेको छ।…
धनगढीः कैलालीमा एक हजारका १७ थान नक्कली नोटसहित एक जना पक्राउ परेका छन्। जिल्लाको टीकापुर नगरपालिका–२ बिजयनगरका २३ वर्षीय तपेन्द्र शाही पक्राउ परेका हुन्। एकतर्फी रंगीन प्रिन्ट गरेका एक हजार दरका १३ थान र दुबैतर्फ प्रिन्ट गरी जोडेको चार थान गरी १७ थान एक हजार दरका नक्कली नोटसहित शाही पक्राउ परेका छन्। ईलाका प्रहरी कार्यालय टीकापुरबाट खटिएको प्रहरी टोलीले टीकापुर नगरपालिका–१ शिव मन्दिर बाहिर रहेको खुद्रा पसलमा एक हजारको नेपाली नोट साटी रहेको अवस्थामा शाहीलाई फेला पारेको थियो। यस विषयमा प्रहरीले थप अनुसन्धान गरिहेको छ।
धनगढी: भारतको धार्चुला–कैलाश–मानसरोवर सडक खण्डमा हिजो दिउसो जिप दुर्घटना हुँदा एक जना नेपाली नागरिकको मृत्यु भएको छ। अर्का घाइते छन्। ४ः३० बजेको समयमा उक्त सडक खण्डको माङती नाला ग्रीफ नजिक जिप दुर्घटना हुँदा ब्याँस गाउँपालिका–२ दुम्लिङका ३० वर्षीय रुकुम सिंह बुढाथोकीको मृत्यु भएको भारतीय प्रहरीले जनाएको छ। दुर्घटनामा मालिकार्जुन गाउँपालिका–८ पस्तीका ४० राम सिंह खत्री गम्भीर घाइते भएका छन्। शव पोष्टमार्टमका लागि भारतीय सेनाको एम्बुलेन्सले धार्चुला अस्पतालमा ल्याएको जनाइएको छ। जिपमा चार जना यात्रु सवार थिए। गर्बाधारबाट धार्चुला आउने क्रममा माङतीखोलामा दुर्घटना भएको थियो। चालकसहित दुई जना भारतीय नागरिक पनि समान्य घाईते भएका छन्।
टेकसिंह धामी, धनगढीः नेपाली काँग्रेसकी नेतृ, केन्द्रीय सदस्य तथा प्रतिनिधिसभा सदस्य एवं पार्टी सभापति शेरबहादुर देउवाकी पत्नी आरजू राणा देउवाले नेपालको आइक्यूको अवस्था एकदमै कमजोर रहेको बताएकी छन्। आज (शुक्रवार) कैलालीस्थित धनगढीमा नेपाल विद्यार्थी संघ (नेविसंघ) ले आयोजना गरेको स्ववियु निर्वाचन लक्षित प्रशिक्षण कार्यक्रममा उनले यस्तो बताएकी हुन्। उनले आफूले भर्खरै मात्र एउटा रिपोर्ट पढेको भन्दै त्यो रिपोर्टमा नेपालको आइक्यूको दुखलाग्दो अवस्था दर्शाइएको दाबी गरिन्। उनले भनिन्, ‘एउटा रिपोर्ट हेरे, त्यसमा यस्तो कुरा छ। के भन्ने अब ? दुखलाग्दो कुरा छ। संसारको सबैभन्दा कम आइक्यू हुने देशमध्ये नेपाल पनि एक रहेछ। हाम्रो शिक्षाको प्रणालीमा केही पनि मिलेको छैन।’ अहिलेको शिक्षा…
धनगढीः नेकपा एमालेका उपाध्यक्ष तथा उपप्रधान एवम् अर्थमन्त्री विष्णु पौडेलले अहिलेको सत्ता गठबन्धन पाँच वर्षसम्म टिक्ने बताएका छन्। आज (शुक्रबार) पार्टीको ग्रास रुट अभियान सुरुवातका लागि कैलालीको धनगढी संचारकर्मीसँग प्रतिक्रिया दिदैं यस्तो बताएका हुन्। उनले भने, ‘नेपाली राजनीतिमा हल्ला धेरै चल्छ, हल्ला एकातिर चल्छ घटनाक्रम अर्कोतिर अगाडि बढ्छ। त्यसकारण त्यसमा विश्वास नगरिदिनका लागि आग्रह गर्दछु। अहिलेको यो सहयात्रा कुनै काँचो धागोमा अडिएको सहयात्रा होइन। पाँच वर्षसम्म सहयात्रा निरन्तर चल्छ।’ यस्तै उनले राष्ट्रपति, उपराष्ट्रपति लगायतका सबै पदहरुमा पूर्व सहमति जे छ त्यहीँ कार्यान्वयन हुने पनि बताए। राष्ट्रका सबै दलहरु मिल्नुपर्ने र मिलेर जाने कुरालाई नकारात्मक रूपमा लिन नहुने उनको भनाइ छ।
धनगढीः धनगढीमा शिव शिखर बहूद्देश्यीय संस्थाविरुद्ध बचतकर्ता आन्दोलनमा उत्रिएका छन्। बिहीबार आफुहरुले बचत गरेको रकम फिर्ताको माग गर्दै बचतकर्ता आन्दोलनमा उत्रिएका हुन्। सहकारी पीडित संर्घष समितिले सहकारी संस्थाले बचतकर्ताको रकम फिर्ता गर्न नसक्दा सेवाग्राहीहरू मर्कामा परेको जनाएको छ। बचतकर्ताको रकम ठग्न खोजेको भन्दै उनीहरूले सहकारीलाई कारबाही गर्न माग पनि गरेका छन्। शिव शिखर बहूद्देश्यीय धनगढी शाखाले बचत कर्ताको १५ अरब ८० करोड रुपैयाँ खाएर भागेको शिव शिखर बहूद्देश्यीय सहकारी पीडित संर्घष समितिका अध्यक्ष देवदत्त भट्टले बताए। बचतकर्ताको सो रकम फिर्ता नहुन्जेल आफूहरूले आन्दोलन गर्ने उनले बताए।
धनगढीः नेकपा एमालेका युवा नेता एमाले नेता यज्ञराज ढुङ्गानाले जन्मदिनको अवसरमा दृष्टी फाउन्डेशनलाई सहयोग गरेका छन्। नेकपा एमाले सुदूरपश्चिम प्रदेश कमिटि सचिवालय सदस्य ढुङ्गानाले जन्मदिनको अवसरमा फाउन्डेशनमा गएर सहयोग गरेका हुन्। धनगढीस्थित नवजिवन अस्पताल प्रालिका अध्यक्षसमेत रहेका ढुङ्गानाले आज परेको जन्मदिनको अवशर पारी दृष्टी फाउन्डेसनमा आश्रय लिएर बसेकाहरुलाई बिहानको खाना खुवाएका हुन्। सामाजिक प्राणीले समाजप्रतीको उत्तरदायित्व निभाउनुपर्छ भन्ने हेतुले सामान्य सहयोग गरेको ढुङ्गानाले बताए। सहयोगपछि दृष्टी फाउन्डेशनकी अध्यक्ष कल्पना भट्टले ढुङ्गानालाई धन्यवाद दिएकी छन्।
काठमाडौँः चोरी तथा डाँका सम्बन्धी कसूरमा ३ जनालाई प्रहरीले पक्राउ गरेको छ। पक्राउ पर्नेमा बैतडीको दोगडाकेदार गाउँपालिका–२ घर भई काठमाडौं कालिमाटी बस्ने २१ वर्षीय निराजन महरालगायत तीन जना रहेका छन्। प्रहरीका अनुसार महरासँगै काठमाडौं माईतीघरस्थित युएममी मोवाइल ग्यालरीका सञ्चालक तेह्रथुम अठराई गाउँपालिका–२ घर भएका २४ वर्षीय शिशिर लिम्बु र काठमाडौं न्यूरोडस्थित ल्यापटप सर्भिस नेपालका सञ्चालक कपिलवस्तु बाणगंगा नगरपालिका–१ घर भएका ३४ वर्षीय बिनोद पौडेल पनि पक्राउ परेका छन्। काठमाडौं महानगरपालिका–२९ घट्टेकुलोस्थित दिपक भण्डारीको डेरा कोठाबाट ल्यापटप २ थान, मोवाइल २ थान, नगद ७ हजार समेत भएको ब्याग माघ २६ गते चोरी भएको घटनाको अनुसन्धानको क्रममा प्रहरी वृत्त सिंहदरवारबाट खटिएको टोलीले…