काठमाडौं: नेकपा माओवादी केन्द्रका सचिव एवं सांसद देवेन्द्र पौडेलले नक्कली भुटानी शरणार्थीको अनुसन्धान फासफुस नहुने बताएका छन् । ‘हामीकहाँ कुनै पनि अनुसन्धानलाई आवश्यकताभन्दा बढी हल्ला गर्ने र विषयान्तर गर्ने प्रवृत्ति छ । होलसेलमा गर्यो भने भद्रगोल हुन्छ । एउटा काण्डको छानबिन हुँदा हजार विषय हालिदिने हो भने कुनै पनि विषय टुंगोमा लाग्न सक्दैन । हामी रुख भेट्दैनौं, जंगलमा मात्र देख्छौं । नक्कली भुटानी शरणार्थी प्रकरण देखावटी र फासफुस गर्न अनुसन्धान होइन,’ एक कार्यक्रममा उनले भने। नेता पौडेलले तथ्य र प्रमाण पुगेपछि जो सुकै व्यक्ति छानबिनको दायरामा आउने पनि दाबी गरे । उनले भने, ‘अहिले नै उहाँहरु (आरजु देउवा, बालकृष्ण खाँड)…
Author: महेन्द्रनगर पोष्ट
झापा: झापाको कनकाई नगरपालिका–३ की ४५ वर्षीया सुनिता कार्कीलाई श्रीमानको हत्या गरेको आरोपमा प्रहरीले पक्राउ गरेको छ । वैशाख ८ गते घरमा झगडा हुँदा श्रीमान् ५३ वर्षीय टेकबहादुर कार्की घाइते भएको र उपचारको क्रममा उनको मृत्यु भएको थियो । मृत्यु भएपछि प्रहरीले श्रीमती सुनितालाई पक्राउ गरेको हो । मृत्यु भएको सूचना पाएसँगै इलाका प्रहरी कार्यालय अनारमनीबाट खटिएको प्रहरी टोलीले उनलाई पक्राउ गरी थप अनुसन्धान सुरु गरेको प्रहरीले जनाएको छ । डेरा गरी बस्ने कार्की श्रीमान् श्रीमती दुवै जना ज्याला मजदुरी गरी परिवार पाल्दै आएका थिए । शवको पोस्टमार्टमका लागि बिपी कोइराला स्वास्थ्य विज्ञान प्रतिष्ठान धरान लगिएको छ ।
दार्चुलाः दार्चुलामा रोकिएको ट्याक्टर आफैँ गुडेर भिरमा खसेको छ। जिल्लाको दुहु गाउँपालिका–३ राता खलंगाबाट वालुवा लिएर दल्लुतर्फ गइरहेको सुपप्र ०१००२ त ४९४२ नम्बरको ट्याक्टर आइतबार भिरमा खसेको प्रहरीले जनाएको छ। कञ्चनपुरको कृष्णपुर नगरपालिका–७ का २८ वर्षीय चालक राजकुमार राना ट्याक्टरलाई सडकमा रोकेर पिसाब फेर्न गएका थिए। त्यसैबेला ट्याक्टर आफै गुडेर करीब एक सय मिटर तल भिरमा खसेको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ। ट्याक्टरमा चालक बाहेक अरु थिएनन्।
-आभूषण तिम्सिनाजब आम मानिस घर वा जग्गाको हालसाबिक नभएको कारणले घरमा खानेपानीको पाइप जोड्न नसकिरहेको अवस्थाको विकास हुन्छ। आम मानिस आफ्नो मोटरसाइकलमा चढेर काममा जान हतारिएर हिँडेको बेला थुप्रै स्थानमा बिच सडकमा ट्राफिक प्रहरी लाइसेन्द खोजेर बसेको थुप्रै स्थानमा देख्छ तर त्यही आम मानिसको रुपमा तपाईँले ट्राफिक प्रहरीले महंगा गाडी चढेर हिँड्ने चिल्ला र महंगा गाडिहरुलाई आजसम्म कतिपटक रोकेर चेकजाँच गरेको भेट्नुभएको छ ? के तपाईँले चढेको मोटरसाइकल र कार किन्दा तपाईँले तिरेको मुल्य बास्तवमा कति हो भनेर थाहा पाउनुभएको छ? के तपाईँका सन्तान पढ्ने सरकारी विद्यालयमा शिक्षाको गुणस्तर खस्केको कारण तपाईले अपार्दर्शी ढंगले शुल्क लिने निजी विद्यालयहरुमा सन्तान पढाउनुभएको…
कञ्चनपुरः आइतबार कञ्चनपुरमा लागूऔषध मुद्दामा फरार एक महिला पक्राउ परेकी छिन्। पक्राउ पर्नेमा शुक्लाफाँटा नगरपालिका–७ की जैना ठगुन्ना रहेकी छिन्। फरार रहेकी ठगुन्नालाई आइतवार उनकै घरमा खोजतलास गर्दा प्रहरीले फेला पारेको हो। उनलाई पक्राउ गरी जिल्ला अदालत कञ्चनपुरबाट ४ दिनको म्याद मिलान गरी आवश्यक अनुसन्धान कार्य भरहेको जिल्ला प्रहरी कार्यालय कञ्चनपुरले जनाएको छ।
काठमाडौं: भारतको केरलामा पर्यटकहरु चढेको डुंगा दुर्घटना हुँदा २१ जनाको मृत्यु भएको छ । मलमपुरम जिल्लाको तानुर इलाकामा थुवलथिरम समुद्री तट नजिक गएराति डुंगा दुर्घटना भएको हो । सो डुंगामा ४० जना सवार थिए । मृत्यु हुनेमा धेरैजसो बालबालिकाहरु छन् । छुट्टीमा घुम्न आएकाहरु दुर्घटनामा परेको र दुर्घटनास्थलबाट २१ वटा शव बाहिर निकालिएको केरला राज्यका एकजना मन्त्री वी अब्दुराहमानले जानकारी दिएका छन् । सरकारले मृतकका परिवारलाई दुई लाख रुपैयाँको दरले राहत उपलब्ध गराउने घोषणा गरेको छ ।
काठमाडौं: आइतबार कांग्रेस महामन्त्री गगन थापाले सामाजिक सञ्जालमा स्टाटस लेख्दै अब त अत्ति भो भनेका छन्। उनको स्टाटसलाई धेरैले कांग्रेसबाट मन्त्री छनोटमा असन्तुष्टि जनाएको भनेका छन्। कांग्रेसबाट सभापति शेरबहादुर देउवानिकट ६ जना मन्त्री बन्दा नेता शेखर कोइराला पक्षबाट तीनजना मात्रै मन्त्री बनेका छन्। ती तीनैजना शेखरको सिफारिसमा मन्त्री बनेका हुन्। गगनको चाहना सहमहामन्त्रीद्वय बद्री पाण्डे तथा जीवन परियार र केन्द्रीय सदस्य प्रदीप पौडेललाई मन्त्री बनाउने रहेको थियो। आफूसँग यस विषयमा कुनै सल्लाह नभएकोमा आपत्ति जनाउँदै उनले आइतबार सामाजिक सञ्जालमा लेखेका छन्– ‘कहिले प्रक्रिया चित्त बुझेन, कहिले पद्धति, कति निर्णयहरू मन परेनन्, कति आफूले राखेका विषयले प्रवेश नै पाएनन्,’ उनले लेखेका…
काठमाडौँ: हाल देशमा स्थानीय वायुको सामान्य प्रभाव रहेको छ। मौसम पूर्वानुमान महाशाखाका अनुसार सोमबार देशका पहाडी भू-भागमा आंशिकदेखि सामान्य बदली रही बाँकी भू-भागमा आंशिक बदलीदेखि मौसम सामान्यतया सफा रहने छ। कर्णाली प्रदेश र सुदूरपश्चिम प्रदेशका पहाडी भू-भागका थोरै स्थानहरूमा र अन्य प्रदेशका पहाडी भूभागका एक-दुई स्थानहरूमा मेघ गर्जन र चट्याङसहित क्षणिक वा हल्का वर्षाको सम्भावना रहेको छ। सुदूरपश्चिम प्रदेश र लुम्बिनी प्रदेशको तराईका भू-भागमा सामान्य हावाहुरीको सम्भावना रहेको छ ।
धनगढीः धनगढीमा ब्राउनसुगरसहित तीन जनालाई प्रहरीले पक्राउ गरेको छ। हिजो दिउँसो धनगढी उपमहानगरपालिका वडा नम्बर २ बाट यज्ञ ओलीसहित तीन जनालाई प्रहरीले समातेको हो। २ सय ८० मिलिग्राम लागूऔषध (ब्राउनसुगर) सहित उनीहरुलाई पक्राउ गरिएको प्रहरीले जनाएको छ। विशेष सूचनाको आधारमा जिल्ला प्रहरी कार्यालय कैलालीबाट खटिएको प्रहरीले यज्ञ ओलीको घरमा लागूऔषध कारोवार गरिरहेका अवस्थामा उक्त परिमाणको लागूऔषधसहित फेला पारेको हो। उनीसँगै सोही ठाउँ बस्ने १८ वर्षीया किशोरीलाई पजि लागूऔषध सेवन गरिरहेको अवस्थामा फेला पारी प्रहरीले नियन्त्रणमा लिएको छ। यस सम्बन्धमा प्रहरीले थप अनुसन्धान गरिरहेको जनाएको छ।
धनगढीः कैलालीको चिसापानी कर्णाली नदीमा महिलाको शव भेटिएको छ। जिल्लाको लम्कीचुहा नगरपालिका ३ चिसापानीस्थित कर्णाली नदीमा अन्दाजी ४६ वर्षीया महिलाको शव फेला परेको कैलाली प्रहरीले जनाएको छ। तर, उनको नाम, थर, वतन भने अहिलेसम्म खुल्न नसकेको बताइएको छ।