दार्चुला – दार्चुलाको व्यासँ गाउँपालिका अध्यक्ष मंगल सिह धामी अहिले निरन्तर जनताको घर–घरमा पुग्न थालेका छन् । चुनावका बेला गरेका प्रतिबद्धताहरु पुरा गर्न तथा जनताका समस्याहरुलाई बुझनका लागि गाउँपालिका अध्यक्ष धामी अहिले स्थानीयका घर–घरमा पुगिरहेका हुन् । मंगलबार मात्रै गाउँपालिका अध्यक्ष मंगल सिह धामी सहितको टोलीले गाउँपालिकाको वडा नं ३ मा पुगेर स्थानीय जनताहरुको समस्या बुझेका छन् । यसै अन्तरर्गत गाउँपालिका अध्यक्ष धामीले प्यारालाइसिस भएका गगन सिह धामीलाई परिचयपत्र विरतण समेत विरतण गरेको छ । विगत लामो समय देखि प्यारालाइसिस परेर गाउँपालिका सम्म धाउन नसकेका धामीलाई गाउँपालिका अध्यक्ष धामीले भेटघाट संगै परिचय पत्र विरतण गरेको गाउँपालिका अध्यक्ष धामीको सचिवालयले जनाएको…
Author: महेन्द्रनगर पोष्ट
काठमाडौं – न्यायपरिषदले २२४ जना जिल्ला न्यायाधीशको सरुवा गरेको छ । परिषद्को मंगलबार बसेको बैठकले जिल्ला अदालतका २१ जना न्यायाधीशका लागि ६३ जनाको सूची पनि सार्वजनिक गरेको छ । अब सर्वसाधारणले उनीहरुका विषयमा कुनै गुनासो वा उजुरी दिन पाउनेछन् । न्यायाधीश नियुक्तिसम्बन्धी मापदण्डमा न्यायाधीशका लागि सूचि सार्वजनिक गर्नुपर्ने र उजुरी वा गुनासो भए लिनुपर्ने व्यवस्था छ । त्यसैगरी उच्च अदालतमा रिक्त २७ जना न्यायाधीश नियुक्तिका लागि सूचना प्रकाशित गर्ने निर्णय पनि भएको न्यायपरिषदका प्रवक्ता मानबहादुर कार्कीले जानकारी दिए । जिल्ला न्यायाधीशको सरुवा सूची हेर्न यहाँ क्लिक गर्नुहोला
काठमाडौँ – अर्थ मन्त्रालयको सिसिटिभी फुटेजमाथि विश्लेषण गर्न संसदीय छानबिन समितिको अर्को बैठक सुरु भएको छ । बैठकमा नेपाल प्रहरीको विधि विज्ञान प्रयोगशालाका विज्ञहरु पनि सहभागी छन् । बिहान बसेको समिति बैठकले फुटेजमा देखिएका दृश्यहरु प्रस्ट नभएकाले प्रयोगशालाका विज्ञहरुलाई बोलाउने निर्णय गरेको थियो । सोहीबमोजिम अहिले विज्ञहरुसँग छलफल गर्न लागिएको हो । विज्ञहरु छलफलका लागि सिंहदरबार आइसकेका छन् । प्रयोगशालाले अर्थ मन्त्रालयको सिसिटिभीबाट डिलिट भएको फुटेज रिकभर गरेर समितिलाई उपलब्ध गराइसकेको छ । सो फुटेजमा १४ गते रातको दृश्य पनि समावेश छ, जुन दिन अर्थ मन्त्रालयमा बाहिरी व्यक्तिको घुसपैठ भएको भनिएको थियो । तर, उक्त दृश्यमा मानिसहरुको पहिचान हुन नसकेको…
काठमाडौँ – गत वैशाख ३० गते सम्पन्न स्थानीय तह निर्वाचनमा पाँच अर्ब चार करोड तीन लाख ९३ हजार खर्च भएको छ । निर्वाचन आयोगले आज (मंगलबार) पत्रकार सम्मेलन गरेर खर्च विवरण सार्वजनिक गरेको हो । जसअनुसार आयोगले तीन अर्ब ६ लाख सात हजार १२४ सरकारलाई फिर्ता गरेको जानकारी दिएको छ । आयोगले सरकारसँग ८ अर्ब ११ करोड माग गरेको थियो ।
काठमाडौं – पछिल्लो २४ घण्टामा थप ६३८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले मंगलबार अपरान्ह दिएको जानकारीअनुसार पाँच हजार ५५ जनामा परीक्षण गर्दा ६३८ जनालाई कोरोना संक्रमण पुष्टि भएको हो । दुई हजार २१५ नमुनाको पीसीआर परीक्षण गर्दा ४०० जनामा र दुई हजार ८४० नमुनाको एन्टिजेन परीक्षण गर्दा २३८ जनामा कोरोृना संक्रमण पुष्टि भएको मन्त्रालयले सार्वजनिक तथ्यांकमा उल्लेख छ । योसँगै सक्रिय संक्रमितको संख्या तीन हजार ७१४ पुगेको छ । पछिल्लो २४ घण्टामा दुई जनाको मृत्यु भएको छ भने २१८ जना कोरोना संक्रमणमुक्त भएका छन् ।
काठमाडौं – प्रतिनिधिसभाले राष्ट्रिय सभामा उत्पत्ति भएको ‘योगमाया आयुर्वेद विश्वविद्यालय विधेयक २०७९ पारित गरेको छ । मंगलबार बसेको प्रतिनिधिसभा बैठकले उक्त विधेयक पारित गरेको हो । शिक्षा, विज्ञान तथा प्रविधिमन्त्री देवेन्द्र पौडेलले राखेको राष्ट्रिय सभामा उत्पत्तिमा योगमाया आयुर्वेद विश्वविद्यालय विधेयक २०७९ लाई पारित गरियोस् भन्ने प्रस्तावलाई बैठकले सर्वसम्मतले पारित गरेको सभामुख अग्निप्रसाद सापकोटाले जानकारी दिए । प्रतिनिधिसभाको अर्को बैठक १३ साउन शुक्रबार बिहान ११ बजे बस्नेछ ।
दार्चुला – यार्सागुम्बा सहित एक जनालाई प्रहरीेले पक्राउ गरेको छ । महाकाली नगरपालिका वडा नं ८ असिगडाबाट करिब १ केजी ६ सय ग्राम यार्सागुम्बा सहित व्यासँ गाउँपालिका ४ सुन्सेरा बस्ने ३३ वर्षीय कम्मान सिह विष्टलाई मंगलबार दिउँसो प्रहरीले पक्राउ गरेको हो । विशेष सुचनाका आधारमा आज दिउसो दार्चुलाबाट महेन्द्रनगरका लागि छुटेको महाकाली यातायातको बसबाट उनलाई प्रक्राउ गरिएको जिल्ला प्रहरी कार्यालय दार्चुलाका प्रहरी निरीक्षक जगत मगरले जानकारी दिनु भएको छ । प्रहरीले चेकजाच गर्दा उनको झोलाबाट लुकाइ छिपाई राखिएको १ केजी ६ सय ग्राम यार्सागुम्बा सहित कस्ुतरीको नाभि समेत बरामद गरिएको उहाँले बताउनु भयो । साथै प्रहरीले १५ ग्राम कस्तुरीको नाभी…
बैतडी– सुदूरपश्चिम प्रदेशको पहाडी जिल्लाको मुख्य नाकाको रुपमा रहेको झुलाघाटस्थित महाकाली भन्सार कार्यालयको नाकाबाट गत वर्ष निर्यात शून्य भएको छ । कार्यालयका नायब सुब्बा प्रेमप्रसाद काफ्लेका अनुसार आव २०७८/७९ मा चिनी, दाल, भाँडाकुँडा, कपडा, बिँडी, चप्पललगायत सामानहरू बढी आयात भएका थिए । ८१ लाख २१ हजार ३१४ को सामान भित्रिएकोमा निर्यात भने शून्य रहेको हो । यस नाकाबाट कुनै पनि सामान निकासी नभएको भन्सार कार्यालयले जनाएको छ । केही वर्षअघिसम्म घ्यू निर्यात हुने गरेकामा गत वर्ष त्यो पनि निर्यात भएन । कार्यालयका अनुसार साउन महिनामा भारतबाट आठ लाख ५५ हजार ५२०, भदौमा १० लाख ५३ हजार ९०३ असोजमा, १३ लाख ३४ हजार ९८३, कात्तिकमा नौ लाख १९…
गुजरात – मदिरा निषेधित भारतको गुजरातमा घरेलु मदिरा पिउँदा कम्तिमा पनि २६ जनाको मृत्यु भएको छ । अरु ४० जना भन्दा धेरै अस्पताल भर्ना भएका भारतीय सञ्चार माध्यमले जनाएका छन् । गुजरातको बोटाद जिल्लामा आइतबार रक्सी पिएकाहरु बिरामी परेका हुन् । उनीहरुको उपचार भइरहेको छ । प्रहरीले रक्सी बनाउने र बेच्ने ५ जनालाई पक्राउ गरेर कारबाही अघि बढाएको बताएको छ । भारतको गुजरातसहित बिहार, मिजोरम र नागल्याण्ड राज्यले मदिराको उत्पादन, बिक्री वितरण र उपयोगमा प्रतिबन्ध लगाएका छन् ।
नयाँ दिल्ली – भातीय कंग्रेसका नेता राहुल गान्धीलाई मंगलबार पक्राउ गरिएको छ । सम्पत्ति शुद्धीकरण मुद्दामा कंग्रेस अध्यक्ष तथा आमा सोनिया गान्धीलाई प्रवर्तन निर्देशनालयले सोधपुछ गरेपछि त्यसको विरोध गर्ने क्रममा प्रहरीले राहुललाई गिरफतार गरेको थियो । सम्पत्ति शुद्धीकरण मुद्दामा गान्धीलाई मंगलबार दोस्रो पटक प्रवर्तन निर्देशनालय ‘ईडी’मा बोलाइएको थियो । नेसनल हेराल्ड अखबारसँग सम्बन्धित सम्पत्ति शुद्धीकरण मुद्दाको सम्बन्धमा सोनिया ईडी जाँदैछिन् ।