धनगढीः कैलाली जिल्ला कतारे सङ्घको अध्यक्षमा ललित खत्री चयन भएका छन्। कैलाली जिल्ला खेलकुद विकास समितिका अध्यक्ष समेत रहेका खत्रीको अध्यक्षतामा १५ सदस्यीय कमिटी चयन गरिएको हो। कमिटीको उपाध्यक्षमा वालकुमार महतो र लाल बहादुर राना, सचिवमा तेज नागरी र कोषाध्यक्षमा वर्षा साउँद चयन भएका छन्। त्यस्तै सदस्यमा बवरजगं शाही, आशाराम चौधरी, खुसीराम चौधरी, अशोक चौधरी, माला कार्की, रमेश थापा मगर, कमल श्रेष्ठ, राजेश चौधरी, रमेश चौधरी, रमेश साउद, टेकराज सोडारी चयन भएका छन्। यस्तै प्रदेश प्रतिनिधिमा गजेन्द्र साउद, मकेन्द्र बहादुर सिह, त्रैलोक्यनाथ पाण्डे, उमा महतोलाई चयन गरेको हो। अध्यक्षमा चयन भएपछि खत्रीले खेलाडीको क्षमता विकास र खेलाडीको हकहितमा काम गर्ने…
Author: महेन्द्रनगर पोष्ट
धनगढीः सुदूरपश्चिम प्रदेशका मुख्यमन्त्री कमलबहादुर शाहले पत्रकारलाई झुक्क्याएको आरोप लागेको छ। मुख्यमन्त्री शाहको सचिवालयले पत्रकार सम्मेलन भन्दै बोलाएर झुक्क्याएको आरोप लागेको हो। बुधबार दिउँसो ४ बजे धनगढीका पत्रकारहरुलाई मुख्यमन्त्री तथा मन्त्रिपरिषद्को कार्यालयमा डाँकेको थियो। मुख्यमन्त्रीको सचिवालयले धनगढीका कुनै पनि पत्रकार नछुट्नेगरी बोलाइदिन आग्रह गरेपछि पत्रकार महासंघ कैलालीका अध्यक्ष हिमाल जोशीले सबैलाई खबर गरेका थिए। पत्रकारलाई बोलाउनुको प्रयोजन नखुलाइएको भएपनि धनगढीका पत्रकारहरु दिउँसो ४ बजे मुख्यमन्त्री तथा मन्त्रिपरिषद्को कार्यालय पुगेका थिए। तर त्यहाँ मुख्यमन्त्री कमलबहादुर शाह पत्रकार प्रतिक्षा गरेको सभाहलमा नआएपछि उनीहरु तितरवितर भएका छन्। करीब पौने घण्टा मुख्यमन्त्रीलाई कुरेर बसेका पत्रकारहरु उनी केही घण्टा ढिलोगरी भेटघाट गर्ने सूचना पाएपछि रिसाउदै…
बैतडीः सुदूरपश्चिम प्रदेश गौरवको योजनाको रूपमा रहेको बैतडीको सतबाँझ–श्रीभावर–हाट–दार्चुला सडक निर्माण कार्यले गति लिएको छ। निर्माण शुरु भएको २४ वर्षपछि सडक निर्माणले गति लिएको हो। आर्थिक वर्ष २०५५।०५६ सालमा यो सडकको शिलान्यास गरिएको थियो। शुरुमा ट्रयाक खोल्नमै ढिला भएकोमा प्रदेश सरकार आएपछि यो सडकले गति लिएको हो। प्रदेश सरकारले यो सडकलाई गौरवको योजनाको रूपमा राखेपछि हाल स्तरोन्नतिको कामले तीव्रता पाएको छ। हाल सडकको स्तरोन्नतिअन्तर्गत कालोपत्रे गर्ने काम धमाधम भइरहेको पूर्वाधार विकास कार्यालय बैतडीका निमित्त प्रमुख जंगबहादुर थापाले बताए। यो सडकको सतबाँझदेखि साढे ६ किलोमिटर र श्रीभावरदेखि हाट खण्डमा साढे ८ किलोमिटर कालोपत्रे गर्न ठेक्का सम्झौता भएर काम भइरहेको हो। उनले…
धनगढी: कैलालीको धनगढीबाट काठमाडौंका लागि उडेको जहाज फिर्ता भएको छ। आज (मंगलवार) काठमाडौंका लागि उडान भरेको वुद्द एअरको जहाज बाँकेस्थित बर्दियाको आकाशबाट फिर्ता भएको हो। ७:३५ को फ्लाइट भएपनी केही समय ढिलोगरी उडेको वुद्दको २५६ नम्बरको जहाजले ८:४५ मा धनगढीबाट उडान भरेको थियो। तर, खराब माैसमका कारण धनगढीबाट काठमाडौंका लागि उडेकाे बुद्ध एअरकाे विमान पुन: बाँकेकाे आकाशबाट धनगढी नै फर्किएर आकस्मिक अवतरण भएकाे विमानस्थल स्रोतले जनाएको छ। मौसम खराबीले त्यहाँबाट अगाडि छिर्न नसकेपछि फिर्ता आएर धनगढी विमानस्थलमै अवतरण गरिएको बताइएको छ। सो जहाज अब भोलि बिहान सवा ६ बजे उड्ने छ।
धनगढी: नेकपा एमालेको मिसन ग्रासरुट देशैभर जारी छ। सोही क्रममा सोमवार कैलालीको कैलारी गाउँपालिका ६ मा आज टोल भेला सम्पन्न भएको छ। उक्त टोल भेलाले खोजराम चौधरीको अध्यक्षतामा ११ सदस्यीय टोल कमिटी गठन गरिएको बताइएको छ।
धनगढी: नेकपा एमालेले सञ्चालन गरेको मिसन ग्रासरुट अभियान अन्तरगत धनगढीमा पहिलो चरणको कार्यक्रम सम्पन्न भएको छ । धनगढी उपमहानगरपालिकाका १९ वटै वडामा पहिलो चरणको अभिमुखीकरण कार्यक्रम सोमबार सकिएको नगर अध्यक्ष रामचन्द्र जोशीले जानकारी दिए । जोशीकाअनुसार सोमबार धनगढीको वडा नम्बर १५,१८ र १९ मा अभिमुुखीकरण सकिएसँगै पहिलो चरणको अभियान सकिएको हो । अब मंगलबार (भोलि) पहिलो चरणको कार्यक्रमको समिक्षासहित नगरस्तरीय जनसंगठनको अभिमुखिकरण कार्यक्रम राखिएको छ भने दोस्रो चरणको अभियान अन्तरगत वडा, टोल कमिटि र सेल कमिटीसहित घरदैलो कार्यक्रम सञ्चालन गरिनेछ । नेकपा एमालेले संगठन सुदृढिकरण तथा विस्तार कार्यक्रम अन्तरगत फागुन ५ गतेदेखि मिसन ग्रासरुट अभियान सञ्चालन गरेको छ ।सुदूरपश्चिमको राजधानी…
धनगढी: सुदूरपश्चिमको अस्थायी राजधानी धनगढीमा अनेरास्ववियुका विद्यार्थीले जेब्रा क्रसिङ बनाउने अभियान थालेका छन्। धनगढीको मोहनापुल अत्तरिया ६ लेन सडकखण्डमा राखिएका पैदल मार्गमा नेकपा एमाले सम्बद्ध अनेरास्ववियु कैलाली र धनगढी नगर कमिटिले सोमबारदेखि जेब्रा क्रसिङ बनाउन थालेको हो। जिल्ला ट्राफिक प्रहरी कार्यालय कैलालीसँगको समन्वयमा सोमबार धनगढीको नेपाल पुलिस स्कुल अगाडि जेब्रा क्रसिङ बनाउने काम सुरु भएको अनेरास्ववियुका नगर अध्यक्ष नितिश जोशीले बताए। उनकाअनुसार ६ लेन सडक खण्डमा पैदल यात्रीहरुले जथाभावी बाटो काट्दा दुर्घटनाको जोखिम बढेका कारण पैदल मार्गमा जेब्रा क्रसिङ बनाउन अनेरास्ववियुले काम थालेको हो। विद्यार्थी संगठनले ढुंगामुढा वा आन्दोलनका कार्यक्रम मात्र नभएर रचनात्मक काम समेत गर्छन् भन्ने सन्देश दिन पनि…
धनगढी : भारतको खटिमामा भर्खरै दुर्घटना भएको छ। खटिमाको न्योरियामा दुई मोटरसाइकल एक आपसमा ठोक्किँदा दुर्घटना भएको हो। भारतीय प्रहरीका अनुसार मोटरसाइकलमा सवार ५ जनाको घटनास्थलमै मृत्यु भएको छ। ५ मध्ये २ जना खटीमा इस्लामनगरका बासिन्दा हुन्। उनीहरुको मृत्युपछि गाउँमा शोकमा डुबेको छ। दुर्घटनाको विस्तृत विवरण आउन बाकी छ।
अमर खत्री, दार्चुलाः दार्चुलामा युवतीमाथि बलात्कार गरेको आरोपमा एक पुरूष पक्राउ परेका छन्। हिजो जिल्लाको दुहुँ गाउँपालिका ४ चिनचिरीका ३६ वर्षीय इन्द्रबहादुर बम पक्राउ परेका हुन्। उनले गत शुक्रबार राती १९ वर्षीया युवतीमाथि घरमै गएर बलात्कार गरेको आरोपमा समातिएको दार्चुलाका प्रहरी निरीक्षक एवम सुचना अधिकारी जगतगाहा मगरले बताए। उनका अनुसार बमलाई शनिबार पक्राउ गरिएको हो। उनीमाथि फागुन २६ गते राती घरमै गएर युवतीलाई बलात्कार गरेको आरोप लागेको छ। पक्राउ परेका बममाथि अहिले जिल्ला अदालत दार्चुलाबाट ७ दिनको म्याद थप गरी अनसन्धान भइहरेको प्रहरी निरीक्षक मगरले बताए। घरमा कोही नभएको मौकाछोपी बमले रातिको समयमा घरमै आएर जबरजस्ती करणी गरेको आरोप छ।…
जनक विष्ट, धनगढीः जोरायल गाउँपालिका–६ का गंगाराम जोशी अहिले ६० वर्षका भए। सशस्त्र युद्धको नेतृत्व गरेका पुष्पकमल दाहाल प्रचण्ड ७ दिनसम्म आफ्नै घरमा बास बसेको जोशीलाई हिजोजस्तै लाग्छ। ‘सुरुमा हामीलाई खाना चाख्न लगाइयो त्यसपछि त्यही खाना उहाँलाई दिएपछि मिठो मानेर खानुभयो’, १६ वर्षअघि प्रचण्डले आफ्नो घरमा खाना खाएको गंगारामले सम्झिए। ०६३ साल असारतिरको कुरा हो, जनआन्दोलन सफल भएपछि खुला राजनीतिमा आउने तयारीमा रहेको माओवादीले डोटीको बिपीनगरमा प्रशिक्षण राखेको थियो। कुनै बेला माओवादीको आधार इलाका रहेको बिपीनगरमा माओवादीका केन्द्रीय स्तरका नेताहरु आउने कुरा थियो। पार्टी अध्यक्ष प्रचण्डसहितका नेताहरु आउने भनेपछि माओवादीहरु बिपीनगरमा केन्द्रित भएका थिए। माओवादी कार्यकर्ता मात्र नभएर प्रचण्डलाई हेर्न…