काठमाडौं : दाङमा बसले दुई वटा मोटरसाइकललाई ठक्कर दिँदा सशस्त्र प्रहरीका हवल्दारसहित तीन जना घाइते भएका छन्। घोराही–लमही सडक खण्ड अन्तरगत घोराहीबाट लमही जाँदै गरेको ना ४ ख ५५३५ नम्बरको बसले आइतबार साँझ ६ बजे घोराही उपमहानगरपालिका ३ मसोटको ओरालोमा बा ८९ प २४८६ र रा ५ प ९७६१ नम्बरको मोटरसाइकललाई ठक्कर दिएको थियो। जिल्ला प्रहरी कार्यालय दाङका प्रवक्ता डिएसपी जनक मल्लका अनुसार पछाडिबाट बसले ठक्कर दिएपछि दुबै मोटरसाइकल अगाडि गुडिरहेको रा १ ख १९२६ नम्बरको बसको पछाडिको भागमा ठोक्किएको थियो। दुर्घटनामा परी दाङको लमही नगरपालिका–४ घर भइ प्यूठानमा कार्यरत ३४ वर्षीय सशस्त्र प्रहरी हवल्दार पुनिराम चौधरी र उनले चलाएको…
Author: महेन्द्रनगर पोष्ट
धनगढी : कुनैबेला बाजुरा एमालेमा एकछत्र राज गर्ने गरेका कर्णबहादुर थापाको शक्ति क्षयीकरणतर्फ लागेको पाइएको छ। आज (आइतबार) मात्रै सम्पन्न एमाले बाजुरा जिल्लाको अधिवेशनले सो कुराको पुष्ट्याई गरेको हो। जिल्ला अधिवेशनले पार्टीको स्थायी कमिटी सदस्यसमेत रहेका थापाको शक्ति क्षयीकरणतर्फ लागेको देखाएको छ। किनकी बाजुरामा आजमात्रै थापासहितले समर्थन र सहयोग गरेका उम्मेदवारसहितको प्यानल अधिवेशनमा पराजित बनेको छ। थापासहित एमाले केन्द्रीय सदस्य एवं बाजुराका सह-इन्चार्ज प्रकाश शाह, केन्द्रीय सदस्य एवं दार्चुला जिल्ला इन्चार्ज सहदेव बोगटी लगायतले समर्थन गरेका उम्मेदवारहरु अधिवेशनमा पछारिएका हुन्। जसमा एमाले केन्द्रीय सदस्य एवं अछाम जिल्ला इन्चार्ज लालबहादुर थापाका निकटस्थ लालबहादुर ओली नेकपा एमाले बाजुराको अध्यक्षमा निर्वाचित भएका छन्।…
धनगढीः कैलालीको अत्तरियामा ट्रकको ठक्करबाट एक जनाको मृत्यु भएको छ। जिल्लाको गोदावरी नगरपालिका–१ अत्तरिया चोकमा आज (आइतवार) बिहान भएको सवारी दुर्घटनामा परी मोटरसाइकल चालकको मृत्यु भएको छ। विराटनगरबाट महेन्द्रनगरतर्फ जाँदै गरेको ना ८ ख ४३०१ नम्बरको ट्रकमा से ७ प १८९६ नम्बरको मोटरसाइकल ठोक्किएको थियो। दुर्घटनामा परी गम्भीर घाइते भएका मोटरसाइकल चालक कञ्चनपुर कृष्णपुर नगरपालिका–३ का ३२ वर्षीय शिवराज रानाको सेती प्रादेशिक अस्पताल धनगढीमा थप उपचारको क्रममा मृत्यु भएको हो। प्रहरीले ट्रक चालकलाई नियन्त्रणमा लिई दुर्घटनाका सम्बन्धमा थप अनुसन्धान भइरहेको जनाएको छ।
धनगढी : नेकपा एमाले बाजुराको अध्यक्षमा लालबहादुर ओली विजयी भएका छन् । पार्टीका स्थायी कमिटि सदस्य कर्णबहादुर थापाले समर्थन गरेका अध्यक्षका उम्मेदवार भरत थापालाई १५ मतले पराजित गर्दै ओली विजयी भएका छन् । कुल ४२५ मत खसेकोमा ओली २१८ मतसहित विजयी हुँदा थापाले २०३ मत पाएका छन् । ओलीलाई पार्टी केन्द्रीय सदस्य तथा अछाम इन्चार्ज लालबहादुर थापाको समर्थन थियो ।पदाधिकारीमा पनि ओली प्यानलकै उम्मेदवार विजयी भएका छन् । उपाध्यक्षमा जनकबहादुर बोहरा, सचिवमा काशीबहादुर बिक, उपसचिवमा हरीबहादुर रोकाया र उपसचिव (महिला) मा राजकला सार्की विजयी भएको निर्वाचन समितिले जनाएको छ । १ जेठमा पार्टी उपाध्यक्ष रामबहादुर थापाले जिल्ला अधिवेशन उद्घाटन गरेका…
धनगढी : डडेल्धुराका एक पुरुषको बैतडीको पाटनमा शव फेला परेको छ । जिल्लाको पाटन नगरपालिका-६ पाटन पञ्चेश्वर सडक खण्डमा पर्ने गाईडाखोला नजिकको खेतको खोल्सोमा शव फेला परेको इलाका प्रहरी कार्यालय पाटनले जनाएको छ । डडेल्धुराको अमरगढी नगरपालिका-५ बस्ने अन्दाजी ५० बर्षीय रुपक जैरुको शव फेला परेको हो । पाटन बजारको एक सिलाई सेन्टरमा काम गर्ने आएका जैरु दुई दिन देखि सम्पर्कमा थिएनन् । उनको शव स्थानीय घास काट्ने महिलाले देखेपछि प्रहरीलाई खबर गरेका थिए । खर काटनेले फागलाबाट करिब २ सय मिटर तल खोल्सोसम्म लेडेको जस्तो देखिएको छ । घटनास्थलमा आफ्न्त नपुगेकोले प्रहरीले शवलाई घेराहालेर राखेको छ । सिलाई सेन्टरका संचालकलाई…
धनगढीः सुदूरपश्चिम प्रदेशका मुख्यमन्त्री दीर्घबहादुर सोडारीले समाजवादीका नेताहरुलाई धमाधम सरकारी नियुक्ति गरिरहेका छन् । अस्तीमात्रै एस निकट अधिवक्ता चन्द्रबहादुर शाहीलाई प्रदेशको मुख्य न्यायाधिवक्तामा नियुक्त गरेका सोडारी फेरी एसकै अर्का नेतालाई पनि सरकारी नियुक्ति दिलाएका छन् । आइतबार प्रदेश नीति तथा योजना आयोगको उपाध्यक्षमा एसका नेता गणेशबहादुर बिश्वकर्मालाई नियुक्त गरेका हुन । उनलाई मुख्यमन्त्री सोडारीले आजै पद तथा गोपनीयताको शपथ गराएका छन्। बझाङ घर भएका बिश्वकर्मा झण्डै अढाइ दशकदेखि मानवधिकारको क्षेत्रमा क्रियाशील रहेका छन्। उक्त आयोगको अध्यक्षमा मुख्यमन्त्री स्वयम अध्यक्ष रहने प्रावधान रहेको छ।
धनगढीः डडेल्धुरामा बन्दुकसहित एक जना पक्राउ परेका छन्। जिल्लाको आलिताल गाउँपालिका–२ खोलेखरका २८ वर्षीय डम्बर बहादुर थापा मगर एकनाले भरुवा बन्दुकसहित पक्राउ परेका हुन्। मगरले मादक पदार्थ सेवन गरी आफ्नै काका नाता पर्ने ५१ वर्षीय रमेश थापासँग वादविवादको क्रममा भरुवा बन्दुक फायर गरेका थिए। प्रहरी चौकी गाङ्खेत र जिल्ला प्रहरी कार्यालय डडेल्धुराबाट खटिएको प्रहरीले उनलाई बन्दुकसहित पक्राउ गरिएको सुदूरपश्चिम प्रदेश प्रहरीले बताएको छ। प्रहरीले घटनाको आवश्यक अनुसन्धान गरिरहेको छ।
काठमाडौँ : नेपाल भेटेरिनरी एसोसिएसनले ब्रोइलर कुखुराको रोग मानिसमा नसर्ने दाबी गरेको छ। एसोसिएसनका अध्यक्ष डा. रामकृष्ण खतिवडा र महासचिव डा. केदार सुवेदीले संयुक्त रूपमा जारी गरेको विज्ञप्तिमा सामाजिक सञ्जालमा ‘ब्रोइलर कुखुरामा लागेको रोग मानिसमा पनि देखापरेको छ’ भन्ने भनाइमा कुनै सत्यता नरहेको स्पष्ट पारिएको छ। केही व्यक्तिले वैज्ञानिक तथ्य र कारणबिना नै सामाजिक सञ्जालमा भ्रामक पोष्ट गरी जनमानसमा त्रास सिर्जना गरेको विज्ञप्तिमा उल्लेख छ । ‘बोइलर कुखुराको मासु सेवनबाट बजारमा हल्ला फैलिए जस्तो कुनै पनि रोग मानिसमा सर्दैन,’ विज्ञप्तिमा भनिएको छ। त्यस्ता नकारात्मक र गलत जानकारीमा विश्वास नगर्न पनि एनभिएले आग्रह गरेको छ। भ्रामक र अवैज्ञानिक जानकारीलाई सामाजिक सञ्जालमा…
धनगढी : कैलालीको एक विद्यालयले राहत शिक्षकको परीक्षामा बदमासी गरेको पाइएको छ । गोदावरी नगरपालिका ८ को शारदा माध्यमिक विद्यालयले शिक्षक पदपुर्तीको परीक्षामा गम्भीर लापरवाही गर्दै सेटिङमा भर्ना गर्न खोजेको आरोप लागेको छ । विद्यालयले प्लस टुको अंग्रेजी विषयको राहत शिक्षकको लिखित परीक्षामा उत्तर पुस्तिका नै बाडिएको पाइएको छ । शनिवारको पहिलो लिखीत परिक्षा सञ्चालन हुनुपुर्व प्रश्नपत्र लिक गर्दै विद्यालयका प्रधानाध्यापक निकट व्यक्तिलाई थमाएको आरोप छ । विद्यालयले प्रधानाध्यापक निकट परीक्षार्थीलाई प्रश्नपत्र सँगै उत्तरपुस्तिका दिएको कुरा लिक भएपछि तत्काल रद्द गर्दै प्रश्नपत्र फेरेर फेरि परीक्षा लिइएको छ । तर विज्ञको टोली परिवर्तन नगरिएको, विज्ञ टोली गोला प्रथाबाट नछानिएको, आफन्तलाई धनगढीबाट…
धनगढी : मालपोत कार्यालय टिकापुरका तत्कालिन कार्यालय प्रमुख मोहन स्नेही रसाईली भ्रष्टाचारमा तानिएका छन् । अख्तियार दुरुपयोग अनुसन्धान आयोगले आज उनीसहित आठ जनाविरुद्ध विशेष अदालतमा भ्रष्टाचार मुद्दा दायर गरेको हो । मुद्धा चलाइएकाहरुमा मालपोत कार्यालयका नायब सुब्बा अग्निबहादुर शाही, नापी कार्यालय, टीकापुरका तत्कालिन कार्यालय प्रमुख मानबहादुर चन्द, सर्भेक्षक दशरथ मण्डल, आफ्नो नाममा जग्गाधनी दर्ता प्रमाणपूर्जा बनाउने विन्द्र रावल, कमलबहादुर रावल, सुशीलबहादुर रावल र विमलबहादुर रावल छन् । उनीहरुले आपसी मिलेमत्तोमा कैलालीको साविक नारायणपुर–८, अन्तर्गतको कित्ता नं. ९०८ को क्षेत्रफल १५–०–० ज.बि.(बिगाहा) जग्गा फिल्डबुकमा जंगल भनी कायम भएकोमा कित्ताकाट गरी २०६८ सालमा व्यक्तिको नाममा दर्ता गरेको अख्तियारको दाबी छ । अख्तियारको…