धनगढी: कञ्चनपुरमा एक युवक मृत फेला परेका छन्। हिजो (मंगलबार) राति जिल्लाको वेदकोट नगरपालिका-१० का २३ वर्षीय प्रविन डगौरा मृत फेला परेका हुन्। उनी हिजो राति मृत फेला परेकोमा उनको टाउकोमा चोट लागेको डीएसपी उमेशराज जोशीले जानकारी दिए। उनका अनुसार अहिले मृतक आफ्नै वडास्थित रोडमा मृत फेला परेका थिए। अहिले घटनाको थप अनुसन्धान भैरहेको प्रहरीले जनाएको छ। स्रोतका अनुसार उनी राति आफ्नी प्रेमीका (गर्लफ्रेन्ड) लाई भेट्न भनेर गएका थिए।
Author: महेन्द्रनगर पोष्ट
धनगढी : काठमाडौं-धनगढी उडानका क्रममा मंगलबार श्री एयरलाइन्सको विमानमा एयर होस्टेजमाथि दुर्व्यवहार गरेको भन्दै कैलालीका शिवराज ओझालाई प्रहरीले नियन्त्रणमा लिएको छ। उनले उडानका क्रममा एयरहोस्टेज मात्र नभएर अन्य यात्रुहरू समेत असर पर्ने खालका गतिविधि देखाएको बताइएको छ। त्रिभुवन विमानस्थलबाट ४ बजे उडने श्री एयरलान्सको उडान नंम्बर २२५ को जहाज ५० मिनेट ढिलोगरी ४ः५० मा धनगढीका लागि उडेको थियो। उमेरले नाबालक रहेको ओझा गोदावरी नगरपालिका १ का हुन्। उनी १७ वर्षका मात्रै रहेका खुलेको छ। जहाज उडेलगत्तै देखि ओझाले दुई जना एयरहोस्टेज मध्ये एकलाई जिस्काउन थालिसकेका थिए। श्रीएयरलाईन्सका धनगढी स्टेशन म्यानेजर गजेन्द्र शाहीले दिएको जानकारी अनुसार ती यात्रुले सबैभन्दा पहिला सिटबेल्ट…
काठमाडौं : चितवनको भरतपुरमा कारले मोटरसाइकललाई ठक्कर दिँदा एक सैनिक जवानको मृत्यु भएको छ । मृत्यु हुनेमा मोटरसाइकलमा सवार नम्बर २ विपद व्यवस्थापन गण रसौली ब्यारेक चितवनमा कार्यरत सैनिक जवान तनहुँको भानु नगरपालिका १२ घर भएका २७ वर्षीय निगम नेपाली सार्की रहेका छन् । मंगलबार राति भरतपुर–१ पोखरा बसपार्कबाट रामनगरतर्फ जाँदै गरेको बागमती प्रदेश ०१–०२८ च ३२८९ नम्बरको कारमा विपरीत दिशाबाट आइरहेको ग २० प ८३१८ नम्बरको मोटरसाइकल ठोक्किएको थियो । मोटरसाइकलको लेगाडले कारमा लाग्दा मोटरसाइकल अनियन्त्रित भई सडक छेउमा रहेको पर्खालमा ठोक्किएको जिल्ला प्रहरी कार्यालय चितवनले जनाएको छ । दुर्घटनामा तनहुँको बन्दिपुर–३ बस्ने २६ वर्षका दिनेश थापा गम्भीर घाइते…
काठमाडौँ : नेपाल प्रहरीले सुन तस्करीको अनुसन्धान अघि नबढाएको र तत्कालीन गृहमन्त्री रवि लामिछानेविरुद्ध सहकारी ठगीको अनुसन्धान फितलो बनाएको आरोपमा प्रहरी अतिरिक्त महानिरीक्षक (एआईजी) श्याम ज्ञवालीमाथि छानबिन सुरु गरेको छ। नेपाल प्रहरीको केन्द्रीय अनुसन्धान ब्युरो (सीआईबी) प्रमुखसमेत रहेका ज्ञवालीले प्रहरी शक्ति र आफ्नो पदको दुरुपयोग गर्दै अनुसन्धान प्रभावित बनाउन खोजेको आरोपमा प्रहरी संगठनभित्रैबाट छानबिन सुरु भएको हो। ज्ञवालीमाथिको छानबिन अर्का एआईजी टेकप्रसाद राईको नेतृत्वमा भइरहेको छ। एआईजी ज्ञवालीमाथि निवर्तमान गृहमन्त्री रवि लामिछानेविरुद्धको सहकारी ठगीबारेको अनुसन्धान कमजोर पारेको आरोप लागेको छ। सुन तस्करीको अनुसन्धानमा पदीय मर्यादा दुरुपयोग गरेको आरोपमा गृहमन्त्री लामिछानेले सीआईबीकी प्रमुख एआईजी किरण बज्राचार्यलाई हटाएर (गत चैतमा) ज्ञवालीलाई ल्याएका…
धनगढी : नेपाल प्रहरीतर्फको प्रहरी सहायक निरीक्षक (असई)को लिखित परीक्षामा सुदूरपश्चिमका १२ जनामात्रै पास भएका छन्। लोकसेवा आयोगले मंगलबार प्रकाशन गरेको नतिजामा असईका लागि सुदूरपश्चिमबाट छनौट भएका १२ जना लिखितमा पास भएका हुन्। जसमा २ जना महिला र २ जना पिछडिएको क्षेत्रबाटसमेत पास भएका छन् भने १० जना खुल्लाबाट पास भएका छन्। प्रहरीको असईको २०८०/०८१ को खुला तथा समावेशी तर्फको लिखित परीक्षामा ९ हजार ७४३ जना सहभागी थिए। जसमध्ये ४१५ जना लिखितमा पास भएका छन्। सूची१. आसिष बिष्ट२. करिना ओइरे३. गोविन्द कलौनी४. जयराज जोशी५. जिवन अधिकारी६. नरेशबहादुर बिष्ट७. विशाल शाह८. राजेन्द्र धामी९. रामदत्त जोशी१०. रामचन्द्र अवस्थी११. राहुल भण्डारी१२. सरस्वती बिष्ट
धनगढी: काठमाडौंबाट उडेको श्री एयरलाइन्सकाे विमान उडानका क्रममा एयर हाेस्टेजमाथि दुर्व्यवहार गरेकाे भन्दै धनगढी विमानस्थलबाट एक युवकलाई पक्राउ गरिएको छ। हिजो (मंगलबार) बेलुका उनलाई नियन्त्रणमा लिइएको हो। विमानस्थल प्रहरी स्रोतका अनुसार मंगलबार साँझ ४ बजेकाे श्री एयरलाइन्स काठमाडौं-धनगढी उडान नम्बर २२५ मा एयर हाेस्टेजमाथि दुर्व्यवहार भएको हो। एयर होस्टेज बस्ने स्थान नजिकैको सीटमा परेका कैलालीको गाेदावरी नगरपालिका- १ का शिवराज ओझाले एयर होस्टेजलाई अभद्र व्यवहार गरेको बताइन्छ। स्रोतका अनुसार उनले होस्टेजतिर आफ्नो खुट्टाहरु तानेका थिए। त्यसपछि होस्टेजले क्याप्टेनलाई रिपोर्ट गर्दै क्याप्टेनले प्रहरीलाई धनगढी अवतरण भएलगत्तै रिपोर्ट गरेपछि शिवराजलाई पक्राउ गरिएकाे प्रहरीले जनाएको छ। जहाजमा अन्तिम समयमा चढेका ती युवक १ नम्बर…
धनगढी: अहिले सामाजिक सञ्जाल फेसबुकमा एउटा भ्रमपूर्ण पोस्ट निकै भाइरल भैरहेको छ। धनगढीसहित सुदूरपश्चिमका युवायुवतीले आ-आफ्नो फेसबुकमा कैलालीस्थित भीमदत्त राजमार्गमा पर्ने भाँसु भीरमा भूतप्रेत अर्थात अदृश्य शक्ति देखिएको भन्दै पोस्ट तथा सूचनाहरु सार्वजनिक गरिरहेका छन्। तर, वास्तवमा भने सो फोटोसहित राखिएका पोस्टहरु झुटा र भ्रमपूर्ण प्रमाणीत भएका छन्। किनेभने भूत भन्दै सार्वजनिक गरिएका ती तस्वीरहरुसहितको भिडिओ यसभन्दा अगाडि पनि यूट्युबमा राखिएको भेटिएको छ। अहिले केही मान्छेले सोही भिडिओहरुको स्क्रीन सट हालेर फेसबुकमा भ्रम फैलाएको पाइएको छ। उता प्रहरीले भने भ्रम नछर्न आग्रह गर्दै भूतको कुरा हल्ला भएको जनाएको छ। सो भ्रमपूर्ण पोस्टहरु नेपालमा भन्दा नेपालबाहिर बस्ने नेपालीजनले बढी सार्वजनिक गरेका…
धनगढी: कञ्चनपुरको महेन्द्रनगरस्थित महाकाली प्रादेशिक अस्पतालमा प्रसुती तथा स्त्री रोगका सेवा थप गरिएको छ। मंगलबारबाट अस्पतालमा सेवा थप गरिएको हो। अस्पताल व्यवस्थापन समितिका अनुसार अस्पतालमा प्रसुती तथा स्त्री रोग विशेषज्ञ डा. सोनम गुरुङ आएपछि सेवा थप गरिएका हुन्। सुदूरपश्चिम सरकारका सामाजिक विकासमन्त्री ओम विक्रम भाट (सरल) ले डाक्टरलाई महाकाली अस्पताल पठाएका थिए। अस्पतालमा सेवा थप एवं सञ्चालित सेवा प्रभावकारी बनाउन उनले चिकित्सक थप्दै जानुपर्ने जनाएका छन्।
काठमाडौं: नेपाल प्रहरीका १४ जना प्रहरी सहायक निरीक्षक (असई) नायव निरीक्षक (सई) मा बढुवा भएका छन्। प्रहरी महानिरीक्षकको सोमबारको निर्णय अनुसार प्राविधिक प्रहरी समूहका १४ जना प्रहरी सहायक निरीक्षक (असई) लाई नायव निरीक्षक (सई) मा बढुवा गरिएको हो। साथै उनीहरुको पदस्थापन पनि गरिएको प्रहरी प्रधान कार्यालयले जनाएको छ। यस्तै प्रहरी प्रधान कार्यालयले ६ जना वरिष्ठ हवल्दारलाई सहायक निरीक्षक (असई) मा बढुवा गरेको छ। प्रहरी अतिरिक्त महानिरीक्षकको सोमबारको निर्णयानुसार प्राविधिक प्रहरी समूह अन्तर्गत कम्प्युटर तर्फका उनीहरुलाई असईमा बढुवा गरिएको हो।
महेन्द्रनगर: कञ्चनपुरको महेन्द्रनगर बजारमा ललिता हेयर एण्ड ब्यूटी एकेडेमी संचालनमा आएको छ। जिल्लाको भीमदत्त नगरपालिकास्थित बजारको १८ गल्ली नम्बर ३ फ्रिलाईनमा ललिता हेयर एण्ड ब्यूटी एकेडेमी संचालनमा आएको हो। मंगलबारदेखि उक्त हेयर एण्ड ब्यूटी एकेडेमीको भीमदत्त नगरपालिकाकी उपप्रमुख निलम लेखकले उद्घाटन गरेकी छन्। सो एकेडेमीकी संचालक कविता नेगी (ऐर) ले वर्तमान बजारको मागअनुरुप सेवा संचालनमा ल्याएको बताईन्। उनी झण्डै १८ वर्षदेखि ब्यूटीसियन पेशामा छिन्। उनले आफ्नो एकेडेमीबाट ब्यूटी, हेयर र नेल सम्बन्धि तालिम पनि संचालन गर्ने जनाएकी छन्। यस्तै उद्घाटनका क्रममा भीमदत्त नगरकी उपप्रमुख लेखकले महिलाहरुले व्यवसाय शुरु गरेर आत्मनिर्भर बन्नुपर्नेमा जोड दिनुपर्ने बताइन्।