डडेल्धुरा : अमरगढी नगरपालिकाले प्रहरी परिचालन गरेर मालम दोबाटो (हुँलाक डाँडा) मा फोहोर फाल्न खोजेपछि स्थानीय र प्रहरीबीच मुठभेड भएको छ। ३/४ दिन यता मालम दोबाटोमा स्थानीयले फोहोर फाल्न नदिएपछि जिल्ला सदरमुकाम अमरगढीको फोहोर उठ्न पाएको थिएन। तर, शनिबार नगरपालिकाले प्रहरी परिचालन गरेर फोहोर फाल्न खोजेपछि स्थानीयले अवरोध जनाएका थिए। स्थानीयले फोहोर लगेर गएको ट्याक्टरलाई रोक्न खोजेपछि प्रहरीले बल प्रयोग गरेको थियो। सोही समयमा स्थानीय र प्रहरीबीच हात हालाहालको अवस्था सिर्जना भएको थियो। अमरगढीले प्रहरी परिचालन गरेर दादागिरी देखाउन खोजेको भन्दै त्यसको परिणाम भोलि देखाउने मालमबासीले धम्की दिएका छन्। यसअघि पनि मालम दोबाटोमा फोहोर फाल्न नदिने भन्दै मालमबासीले अमरगढी नगरपालिका…
Author: महेन्द्रनगर पोष्ट
काठमाडौं : सशस्त्र प्रहरी बल नेपालले सीमा सुरक्षा तथा सीमावर्ती राजस्व चुहावट नियन्त्रणका विषयमा पूर्वअधिकृतहरूसँग सुझाव लिन थालेको छ। सङ्गठनका बहालवाला तथा अवकाश प्राप्त वरिष्ठ अधिकृतहरू बीचमा सशस्त्रको कार्यादेश तथा वर्तमान सुरक्षा अवस्था बारेमा छलफल गरी सुझाव लिन थालेको हो। सशस्त्र प्रहरी महानिरीक्षक राजु अर्यालले सङ्गठनको लक्ष्य प्राप्तिमा यस प्रकारका छलफल महत्वपूर्ण र फलदायी रहने बताएका छन्। साथै प्राप्त सुझाव, सल्लाह तथा रचनात्मक सहयोग सङ्गठनको वृत्तिविकासका लागि मार्गदर्शक हुने उनको विश्वास छ। सुझाव सङ्कलनमा अवकाश प्राप्त सशस्त्र प्रहरी महानिरीक्षक सनतकुमार बस्नेत, किशोरकुमार लामा, शैलेन्द्रकुमार श्रेष्ठ, कोषराज वन्त, सिहंबहादुर श्रेष्ठ र पुष्पराम केसी सहभागी थिए। उनीहरूले समयानुकूल सीमा सुरक्षाका चुनौती पनि…
बैतडी : बैतडीका प्रमुख जिल्ला अधिकारी सुरेश पन्थीको सरुवा भएको छ। पन्थीलाई बैतडीबाट नवलपरासी पश्चिमको प्रमुख जिल्ला अधिकारीको रूपमा सरुवा गरिएको हो। पन्थी २०७९ जेठमा प्रमुख जिल्ला अधिकारीको रुपमा बैतडी आएका थिए। उनको डेढ वर्षपछि सरुवा भएको छ। गृह मन्त्रालयले पन्थीसहित १६ जना सहसचिवको सरुवा गरेको हो।
काठमाडौं: उपराष्ट्रपति रामसहायप्रसाद यादवले राष्ट्रपति रामचन्द्र पौडेलसँग भेटवार्ता गरेका छन्। शनिबार बिहान राष्ट्रपति पौडेललाई भेट्न उपराष्ट्रपति यादव शीतलनिवास पुगेका थिए। भेटमा राष्ट्रपति पौडेल र उपराष्ट्रपति यादवबीच मुलुकको समसामयिक र विविध विषयमा छलफल भएको राष्ट्रपति पौडैलका प्रेस सल्लाहकार किरण पोखरेलले जानकारी दिए।
जाजकोट: कात्तिक १७ गते मध्य रातको भूकम्पले नलगाड नगरपालिका–८ कोरिन्चेका मनबहादुर खत्रीको घरको आधा भाग भत्किएको छ। घरको आधा भाग भत्किए पनि जोखिम मोलेर पशुचौपायदेखि केही घरायासी सामान भत्केको घरभित्र राख्ने गरिएको छ। परिवारका सदस्य खुला ठाउँमा त्रिपाल टाँगेर बसिरहेका छन्। विभिन्न निकायबाट प्राप्त एक थान त्रिपाल र आफूसँग रहेको कपडाको सहारामा यो परिवार खुला आकाशमा चिसो तथा अभावसँग संघर्ष गरिरहेको छ। खत्रीको आधा घर भत्किएर त्यहाँ रहेका काठदेखि अन्य सामान निकाल्न एक लाखभन्दा बढी खर्च हुने अनुमान छ। भिरालो जमिन भएका कारण अन्य ठाउँमा अस्थायी टहरा निर्माण गर्न पर्याप्त ठाउँ पनि छैन। नयाँ अस्थायी आवास निर्माण गर्नभन्दा भूकम्पबाट छिया,…
धनगढी : कैलालीमा लागूऔषधसहित दुईजना पक्राउ परेका छन्। जिल्लाको टीकापुर नगरपालिका–१ ब्लक नम्बर–७ स्थित पाउरोटी चोक र लम्कीचुहा नगरपालिका–५ चौरीबाट छुट्टाछुट्टै दुई जनालाई पक्राउ गरिएको हो। टीकापुर नगरपालिका–१ ब्लक नम्बर–७ बाट ८३० मिलिग्राम लागूऔषध खैरो हेरोईनसहित सोही ठाँउका २६ वर्षीय शंकर खत्रीलाई पक्राउ गरेको कैलाली प्रहरीले जनाएको छ। लम्कीचुहा नगरपालिका–५ चौरीबाट १७० मिलिग्राम लागूऔषधसहित सोही ठाँउ बस्ने १९ वर्षीय कमल रावललार्ई प्रहरीले पक्राउ गरेको हो। दुबैजालाइृ शुक्रबार नियन्त्रणमा लिइएको हो। यस सम्बन्धमा थप अनुसन्धान गरिरहेको प्रहरीले जनाएको छ।
दाङ : दाङमा टिप्परले मोटरसाइकललाई ठक्कर दिँदा दुई किशोरको मृत्यु भएको छ। गएराति १०:२० बजे तुलसीपुरबाट घोराही तर्फ जाँदै गरेको रा १ क १३०७ नम्बरको टिप्परले घोराहीबाट तुलसीपुर तर्फ आउँदै गरेको रा २ प ५५८९ नम्बको मोटरसाइकललाई घोराही उपमहानगरपालिका – १० झारबैरा चोकमा ठक्कर दिएको थियो। दाङका प्रहरी प्रमुख एसपी रामबहादुर केसीले टिप्परको ठक्करबाट गम्भीर घाइते भएका मोटरसाइकलमा सवार प्यूठानको झिमरुक गाउँपालिका – ४ बाङ्गेका १७ वर्षीय विशाल जिसी र नौंबहिनी गाउँपालिका – ६ लुङका १८ बर्षीय सागर केसीको मृत्यु उपचारका क्रममा राप्ती स्वास्थ्य विज्ञान प्रतिष्ठान घोराहीमा मृत्यु भएको जानकारी दिए। मृतक दुई किशोर मामा-भान्जा रहेको खुलेको एसपी केसीले जानकारी…
काठमाडौं : नाबालिग बलात्कार प्रकरणमा उच्च अदालत पोखराबाट सफाइ पाएका अभिनेता पल शाह (पूर्णविक्रम शाह) विरुद्धको मुद्दा ब्युँतिएको छ। उच्च अदालत पोखराले गरेको फैसला त्रुटिपूर्ण देखिएको दाबी गरी महान्यायाधिवक्ताको कार्यालयले दिएको निवेदनमा सर्वोच्च अदालतले सुनुवाइ गर्दै अभिनेता पलविरुद्धको मुद्दा दोहोर्याएर हेर्ने अनुमति दिएको हो। उच्च अदालत पोखराका तत्कालीन कायममुकायम मुख्य न्यायाधीश डिल्लीराज आचार्य र न्यायाधीश श्रीधराकुमारी पुडासैनीको संयुक्त इजलासले २०७९ फागुन ४ गते बलात्कार मुद्दामा पल शाहलाई सफाइ दिएको थियो। उक्त फैसलाविरुद्ध महान्यायाधिवक्ताको कार्यालयले सर्वोच्च अदालतमा मुद्दा दोहोर्याएर हेरी पाऊँ भनी निवेदन दिएको थियो। उक्त निवेदनमा मंसिर २२ गते सुनुवाइ गर्दै न्यायाधीश सुष्मालता माथेमा र हरि फुयाँलको संयुक्त इजलासले उच्च…
धनगढीः बाजुरामा ट्याक्टर दुर्घटना हुँदा एक पुरुषको मृत्यु भएको छ। बाजुराको बुढीगंगा नगरपालिका–१० रिठा खर्रा स्थित साँफे–मार्तडी राजमार्गमा साँफेबाट मार्तडी सदरमुकाम तर्फ जादै गरेको अन टेस्ट ट्राली नजोडेको ट्याक्टर रोडबाट अन्दाजी १०० मिटर तल खसेर शुक्रवार साँझ दुर्घटना भएको हो। दुर्घटना हुँदा कैलालीको धनगढी उपमहानगरपालिका–१९ फुलवारीका ४२ वर्षीय बिरसिंह चौधरीको मृत्यु भएको जिल्ला प्रहरी कार्यालय बाजुराले जनाएको छ। दुर्घटनामा गम्भीर घाइते भएका चौधरीको बयलपाटा अस्पताल अछाममा उपचारको क्रममा राति मृत्यु भएको प्रहरीले बताएको हो। घटना सम्बन्धमा आवश्यक अनुसन्धान गरिरहेको बाजुरा प्रहरीले जनाएको छ।
कैलाली: कैलालीमा मोटरसाइकल र हाइस एक आपसमा ठोक्किदा दुर्घटना भएको छ। हिजो(शुक्रबार) बेलुकी गौरीगंगा नगरपालिका– ६ बनबेहडामा पुर्ववाट पश्चिम दिँशातर्फ आइरहेको सुदुरपश्चिम प्रदेश ०१–००१ज १५४० नम्बरको हाइस र विपरीत दिँशाबाट आइरहेको सुदुरपश्चिम प्रदेश ०१–०१०प १३२० नम्बरको मोटरसाइकल एक आपसमा ठोक्किएर दुर्घटना भएको हो। दुर्घटनामा परेर मोटरसाइकल चालक कञ्चनपुरको बेलौरी नगरपालिका–८ का अन्दाजी ३० वर्षीय टेकेन्द्र शाही गम्भिर घाइते भएका छन्। उनको मायामेट्रो अस्पतालमा उपचार भइरहेको छ। हाइस र सहचालकलाई नियन्त्रणमा लिएको छ। चालक भने फरार रहेको जिल्ला पैहरी कार्यालय कैलालीका प्रहरी निरीक्षक सन्तोष बस्यालले बताए।