Author: महेन्द्रनगर पोष्ट

काठमाडौँ : हाल नेपालमा पश्चिमी वायुको आंशिक प्रभाव रहेको छ। मौसम पूर्वानुमान महाशाखाका अनुसार सोमबार देशका पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ। कोशी, गण्डकी र कर्णाली प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ। आज गण्डकी, कर्णाली र सुदूरपश्चिम प्रदेशका पहाडी भू-भागमा आंशिक देखि सामान्य बदली रही कोशी, बागमती र  लुम्बिनी प्रदेशका पहाडी भू-भागमा आंशिक बदली तथा बाँकी भू-भागमा मौसम सामान्यतया सफा रहनेछ। गण्डकी, कर्णाली र सुदूरपश्चिम प्रदेशका पहाडी भू-भागका थोरै स्थानहरूमा तथा बाँकी पहाडी भू-भागका एक-दुई स्थानमा हल्का वर्षाको सम्भावना रहेको छ। 

इनरुवा : अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जीवितै रहेको पाइएको छ । विराटनगरस्थित मेट्रो न्यूरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा राखेर दाहसंस्कारका लागि पठाएका इनरुवा नगरपालिका-३ का ४५ वर्षीय प्रताप सदा मुसहरलाई घाटमा लैजान लाग्दा जीवित नै पाइएको हो । इनरुवाका सामाजिक व्यक्तित्व तथा प्रतापका छिमेकी पहल कटुवालका अनुसार उनलाई शनिबार बिहान उपचारका क्रममा मेट्रो न्युरो अस्पताल भर्ना गरिएको थियो । स्थानीय  बसचोकमा आउने जाने गाडीमा सामान लोड अनलोड गरी जीविकोपार्जन गर्दै आएका सदा गाडीमा सामान लोड गर्ने क्रममा लडेर बेहोस भएका थिए । मेट्रो न्युरो अस्पताल भर्ना…

डडेल्धुरा : अहिले सामाजिक सञ्जालमा डडेल्धुराको एउटा भिडियो भाइरल छ। परशुराम नगरपालिका-१ का शिक्षक ‘मदिरा सेवन गरि परस्त्रीको घर’मा भनेर सामाजिक सञ्जालमा उक्त भिडियो छ्याप छ्याप्ति भाइरल छ। जसमा केही स्थानीयले उनलाई कुटपिट गरेका छन्। ती शिक्षक भनिएका व्यक्तिको मुखभरी रगत देखिन्छ।५२ सेकेन्डको भिडियोमा ती व्यक्ति रक्सीले मात्तिएको देख्न सकिन्छ। भिडियोमा बोल्दै उनी भन्छन्, ‘मैले उसँग फोन कहिले गरेको छुँ, उसँग कुरा कहिले गरेको छुँ।` त्यसमा केही व्यक्ति बोल्दै सोध्छन्, ‘यति राति किन आइस् त? मास्टर भएर जे पनि गर्न पाइन्छ ? राति पैसा माग्नुको कारण के ? ‘ त्यसैमा एक जना महिलाले भन्छिन्, ´राती आएर सिधै जाने हो। मेरो…

काठमाडौँ : नेकपा माओवादीका केन्द्रका उपमहासचिव मातृका यादव अस्वस्थ भएपछि नर्भिक अस्पताल भर्ना भएका छन् । कर्णाली प्रदेशका इन्चार्ज समेत रहेका उनी अस्वस्थ भएपछि शनिबार काठमाडौँ ल्याइएको यादवका पूर्वस्वकीय सचिव देभशरण यादवले जानकारी दिए । उनका अनुसार यादवलाई ज्वरो आएको, कमजोरी बढेको र चक्कर आएकाले डाक्टरको निगरानीमा राखेर भेटघाट बन्द गरिएको छ ।

कैलाली : घोडाघोडी क्रिकेट एकेडेमी कैलालीको धनगढीमा जारी लिटल फ्लावर प्रिमियर लिग (एलपिएल) को समूह ’सी’बाट सेमिफाइनल पुगेको छ। यस अघि समूह ’बि’ बाट यूथ अफ टिकापुर सेमिफाइनल पुगिसकेको छ। फाप्ला क्रिकेट मैदानमा सम्पन्न खेलमा गरुडा नगरपालिकालाई ६ विकेटले पराजित गर्दै घोडाघोडी सेमिफाइनलमा पुगेको हो । घोडाघोडी अहिले सम्म अपराजित रहेको छ । गरुडा सहित आयोजक लिटल फ्लावर स्कुल र सुदूर पश्चिमाञ्चल एकेडेमी पहिलो चरण बाट बाहिर भएका छन्। खेलमा गरुडा नगरपालिकाले दिएको १२९ रनको लक्ष्य घोडाघोडीले १७.५ ओभरमा ४ विकेट गुमाएर पुरा गर्‍यो। घोडाघोडीका ओपनर विपिन विक्रम शाही र टेक रावतले ९३ रनको ओपनिंग साझेदारी गर्दै जितको आधार तयार…

पोखरा : पोखरामा कारले स्कुटरलाई ठक्कर दिँदा दुई युवतीको मृत्यु भएको छ । पोखराबाट तालचोकतर्फ जाँदै गरेको बीएए ००४१ नम्बरको कारले पोखरा आउँदै गरेको ग१३प ३५७८ नम्बरको स्कुटरलाई ठक्कर दिएको हो । दुर्घटनामा हेमजाकी २३ वर्षीय अनिशा खड्का र जीरोकी २४ वर्षीय भावना बरालको मृत्यु भएको प्रहरीले जनाएको छ । दुर्घटनाबाट स्कुटरमा सवार दुवैजना घाइते भएका थिए । उनीहरुको उपचारका क्रममा अस्पतालमा मृत्यु भएको हो । दुवै सवारी साधन र कार चालक इलाका प्रहरी कार्यालय शिशुवाको नियन्त्रणमा छन् ।

डडेल्धुराः भागेश्वोर गाउपालिका वडा न ४ बगरकोट देखि चौड जोड्ने सडक सञ्चालनमा आएको छ। आईतबारबाट सडक सञ्चालनमा आएको हो । यो सडक सञ्चालनमा आए सङ्गै अब वडा न। ४ का सबै गाउँमा सडक पुगेको भागेश्वोर गाउँपालिका वडा न।४ का अध्यक्ष बसन्त राज चटौतले बताए । ५ लाख लागतमा सडक निमार्ण कार्य सम्पन्न भएको पनि उनले बताए । सडक सञ्चालनमा आएपछि वडा तथा गाउँपालिकाको सरकारी कामकाज गर्न सजह हुने हुँदा निकै सुखी लागेको स्थानीय दान सिंह बोहराले बताए। डडेल्धुरा सदरमुकाम देखि चिरकिटे हुदै चौड जोड्ने सडक पहिले नै सञ्चालनमा रहेको छ । तर यता गाउँपालिकाको केन्द्र बगरकोटबाट चौड जोड्ने सडक नहुदाँ…

डडेल्धुरा : डडेल्धुरामा इसाई धर्म प्रचार गरिरहेको पाइएपछि प्रहरीले विदेशी नागरिकलाई नियन्त्रणमा लिएर प्रचार सामग्रीसहितका किताब बरामद गरेको छ । जिल्लाको भागेश्वर गाउँपालिकामा धर्म प्रचार गरिरहेको अवस्थामा पर्यटन भिषामा नेपाल आएका स्विटजरल्याण्डकी Simon Lea Merz, नेदरल्याण्डकी Hannah Dorothe Vink, Adriana Johanna Matia van de Weerd को साथबाट प्रहरीले किताब बरामद गरेको हो किताब मात्रै नियन्त्रणमा लिएर उनीहरुलाई सम्झाइबुझाई गरेर छाडिएको प्रहरीले जनाएको छ । उनीहरुले विपन्न वर्ग तथा अशक्त, असहायहरुलाई आर्थिक सहयोग गर्ने, विभिन्न प्रलोभन देखाएर इसाई धर्म अवलम्बन गर्न लगाउने गर्दै आएका थिए । इसाई धर्म अवलम्बन गरेमा पाप मोक्ष हुने, दीर्घरोग निको हुने जस्ता आश्वासनमार्फत धर्मान्तरणका लागि उत्प्रेरित…

काठमाडौं : जिपको गेयरबक्समा सुन राखेर ओसार्दै गरेको अवस्थामा पक्राउ परेका तीन जना नेपालीपछि एक जना चिनियाँ समातिएका छन् । रसुवाको केरुङ नाका हुँदै भन्सार छलेर सुन तस्करी गर्दै काठमाडौं ल्याउने क्रममा गत बिहीबार थानकोटमा दुई केजी सुन फेला परेको थियो । प्रहरीले काठमाडौंतर्फ आउँदै गरेको बागमती प्रदेश ०१–०२८ च २६९७ नम्बरको जिपको गेयर बक्समा दुई किलो सुन भेट्टाएको थियो । लगत्तै तीन जना नेपालीलाई पक्राउ गरे पनि चिनियाँ नागरिक भागेका थिए । भोलिपल्ट पक्राउ परेका चिनियाँ नागरिक २७ वर्षे चेन चिवीलाई प्रहरी परिसर टेकू पुर्याइएको छ । उनी काठमाडौंको सोह्रखुट्टेमा बस्दै आएको प्रहरीको भनाई छ ।

धनगढी : धनगढीको ऐश्वर्य बहुमुखी क्याम्पसका तीन जना प्राध्यापकको राजीनामा माग गरेका छन् । आइतवार स्वतन्त्र विद्यार्थी युनियनका उपाध्यक्ष कमल न्यौपानेलाई भौतिक आक्रमण, गालीगलौज र धम्की दिएको भन्दै तीनै जना प्राध्यापकको राजीनामा माग गरेका हुन् । मंसिर २२ गते क्याम्पसमा पठनपाठन अवरुद्ध गरेर क्याम्पसकै एक जना प्राध्यापकको विहेको भोज खान सम्पूर्ण प्राध्यापकहरू क्याम्पसको बस प्रयोग गरेर गएको भन्दै सामाजिक सञ्जालमा लेखेको भन्दै तीन जना प्राध्यापकले न्यौपानेलाई दुर्व्यवहार गरिएको स्ववियु अध्यक्ष कुबेर खड्काले जारी गरेको विज्ञप्तिमा उल्लेख गरिएको छ । यस्तै, अखिल नेपाल राष्ट्रिय स्वतन्त्र विद्यार्थी युनियन ऐश्वर्य क्याम्पस इकाइ कमिटीले निकालेको विज्ञप्तिमा सहायक क्याम्पस प्रमुख नरेश पन्त, विभागीय प्रमुख खेमराज…