काठमाडौं – अर्थमन्त्री जनार्दन शर्माले आगामी आर्थिक वर्षका लागि पेश गरेको बजेटमा सरकारी कर्मचारीहरुको तलब बढाएका छन् । नयाँ तलबमानअनुसार सशस्त्र प्रहरीका परिचरदेखि महानिरीक्षकसम्मको तलब बढेको छ । परिचरको सबैभन्दा थोरै ३२३० रुपैयाँ बढेको छ भने आईजीको ९४१० रुपैयाँ बढेको छ । नयाँ आर्थिकवर्षदेखि लागू हुने गरि गरिएको निर्णयमा सशस्त्र प्रहरीमा रहेका विभिन्न १५ दर्जामा कार्यरत कर्मचारीहरुले न्यूनतम २४ हजार ७१० देखि अधिकतम ७२ हजार ९० रुपैयाँसम्म तलब पाउने भएका छन् । सशस्त्र प्रहरीको नयाँ बढेको तलब
Author: महेन्द्रनगर पोष्ट
काठमाडौं – मुस्ताङमा दुर्घटनाग्रस्त अवस्थामा फेला परेको तारा एयरको जहाजमा सवार २२ जनामध्ये १४ जनाको शव सङ्कलन भएको छ । जहाजमा सवार कसैलाई पनि जीवित अवस्थामा भेट्न सम्भावना नरहेको अधिकारीहरूले बताएका छन् । त्रिभुवन विमानस्थल नागरिक उड्ययन प्राधिकरणका प्रवक्ता टेकनाथ सिटौलाले २२ मध्ये १४ जना यात्रुको शव सङ्कलन भएको जानकारी दिए । उनले अन्यको खोजीकार्य जारी रहेको भन्दै शव भेटिएकामध्ये केहीको चिनिने अवस्था र केहीको भने क्षतविक्षत अवस्थामा शव भेटिएको छ । आइतबार सम्पर्कविहीन भएको विमान सोमबार बिहान मुस्ताङको थासाङ गाउँपालिका-२ मा भेटिएको थियो। स्थानीयले खबर गरेपछि नेपाली सेना र प्रहरीको टोली घटनास्थल पुगेको थियो । जहाज पुरै टुक्रा-टुक्रा अवस्थामा…
काठमाडौं – मुस्ताङमा दुर्घटनाग्रस्त अवस्थामा फेला परेको तारा एयरको जहाजमा सवार २२ जनामध्ये १४ जनाको शव संकलन भएको छ । आइतबार सम्पर्कविहीन भएको विमान सोमबार बिहान मुस्ताङको थासाङ गाउँपालिका-२ मा भेटिएको थियो। स्थानीयले खबर गरेपछि नेपाली सेना र प्रहरीको टोली घटनास्थल पुगेको हो । जहाज पुरै टुक्रा-टुक्रा अवस्थामा छ भने कोही पनि यात्रु ज्युँदो नरहेको त्यहाँ पुगेका उद्धारकर्मीले बताएका छन् । सबैले शव सङ्कलन गरिरहेको नेपाली सेनाको विजयपुर ब्यारेकका प्रमुख सेनानी प्रेम पौडेलले जानकारी दिए । दुर्घटनामा परी मृत्यु भएकाहरूको शव सिधै काठमाडौं ल्याइने भएको छ । हुस्सु र कुहिरोका कारण अझै हेलिकोप्टर राम्रोसँग उड्ने अवस्था नरहेको उनले बताए ।…
कञ्चनपुर- कञ्चनपुरको बेदकोट नगरपालिका वडा नम्बर ८ का वडाध्यक्ष महेशराज जोशीको समूहले अटो चालकलाई कुटपिट गरेको आरोप लागेको छ । शनिबार साँझ साढे ७ बजेको समयमा घर फर्किन लागेका अटो चालक अन्दाजी ३२ वर्षीय नरेश गिरीमाथि वडाध्यक्ष जोशीसहित पाँच जनाको समूहले ज्यान मार्ने धम्कीसहित निर्घात कुटपित गरेको आरोप छ । कुटिएका अटो चालक गिरीको धनगढीस्थित मायामेट्रो अस्पतालमा उपचार भइरहेको शिसैया प्रहरी चौकीले जनाएको छ । प्रहरी चौकीका असई महादेव पन्तले अटो चालक गिरीमाथि कुटपिट भएको बताए पनि त्यसमा वडाध्यक्षको संलग्नताबारे आफूलाई जानकारी नभएको बताएका छन् । कुटपिटपछि गिरी उपचारका लागि धनगढी गइसकेकाले त्यसबारेमा छलफलसमेत हुन नसकेको उनले बताए ।
काठमाडौं – तारा एयरको 9N AET विमान मुस्ताङको थासाङ गाउँपालिका–२ सानुसरे भन्ने भिरमा दुर्घटनाग्रस्त अवस्थामा फेला परेको तारा एयरले जनाएको छ । तारा एयरले आज बिहान विज्ञप्ति जारी गरी हिजोदेखि सम्पर्कविहिन तारा एयरको विमान ४ हजार ५०० फिटको उचाइमा जहाज दुर्घटनाग्रस्त अवस्थामा फेला परेको जानकारी दिएको हो । विमान दुर्घटनाको जानकारी गराउँदा स्तब्ध भएको विज्ञप्तिमा उल्लेख छ । नेपाली सेनाले विमान दुर्घटना भएको तस्बिर सार्वजनिक समेत गरेको छ । विमान टुक्रा टुक्रा भएको अवस्थामा फेला परेको छ। नेपाली सेनासाथै अन्य सुरक्षाकर्मी र स्थानीयको टोलीले विमान दुर्घटनास्थल पत्ता लगाएको हो । तारा एयरको विमान दुर्घटनाग्रस्त अवस्थामा भेटिएको ठाउँमा प्रहरीको उद्धार टोली पुगेको…
उदयपुर- उदयपुरको कटारी नगरपालिका– १४ भदौरेस्थित चनौटमा ट्रक दुर्घटना हुँदा चारजनाको मृत्यु भएको छ। सिद्धीचरण लोकमार्गअन्तरगत पर्ने चनौटमा सोलुखुम्बुतर्फ जाँदै गरेको ना ८ ख ८२९७ नम्बरको ट्रक सोमबार बिहान दुर्घटना भएको हो। प्रदेश प्रहरी कार्यालय विराटनगरका अनुसार दुर्घटनामा परी चालक सुजित घलान, सहचालक नितेश खड्का, ट्रकमा सवार अनुज लामा र ३७ वर्षीय राजन तामाङको घटनास्थलमै मृत्यु भएको छ। प्रहरीको प्रारम्भिक अनुसन्धानमा चालक निदाएका कारण ट्रक अनियन्त्रित भइ दुर्घटना भएको खुलेको छ। ट्रक सडकबाट करिब एक सय मिटर खसेको छ। प्रहरीले स्थानीयको सहयोगमा शव बाहिर निकाल्ने प्रयास भइरहेको प्रहरीले जनाएको छ।
काठमाडौं- कक्षा १२ को परीक्षा आजबाट सुरु भएको छ । परीक्षा बिहान ८ बजेदेखि सुरु भएको हो । यही जेठ २५ गतेसम्म सञ्चालन हुने परीक्षाका लागि देशभर १ हजार २ सय ९२ केन्द्र कायम गरिएको छ । राष्ट्रिय परीक्षा बोर्डका अनुसार परीक्षामा ४ लाख १० हजार ५० जना विद्यार्थी सहभागी हुँदैछन् ।
पाल्पा- पाल्पा प्रहरीले युवतीलाई बलात्कार गरेको आरोपमा एक जना पक्राउ गरेको छ । जिल्लाको पुर्वखोला गाउँपालिका–३ दारोगौडा निवासी ३१ वर्षीय श्यामबहादुर दर्जीलाई प्रहरीले पक्राउ गरेको हो । दुई दिनअघि दर्जीले घरमा कोही नभएको बेला सोही पालिकाकी २५ वर्षीया युवतीलाई बलात्कार गरेको आरोप छ । प्रहरीका अनुसार बलात्कार गरेर फरार भएका दर्जी दोस्रो दिनमै पक्राउ परेका हुन् । प्रहरी चौकी पुर्वखोला र जिल्ला प्रहरी कार्यालय तानसेनबाट खटिएको टोलीले दर्जीलाई पक्राउ गरेको पाल्पाका प्रहरी प्रवक्ता डिएसपी बिरेन्द्र थापाले जानकारी दिए । दर्जीमाथि अनुसन्धान अगाडि बढाइएको डिएसपी बताए ।
काठमाडौं- तारा एयरको विमान दुर्घटनाग्रस्त अवस्थामा भेटिएको ठाउँमा प्रहरीको उद्धार टोली पुगेको छ । घटनास्थ मुस्ताङको थासाङ गाउँपालिका–२ सानोश्वरेमा फिस्टेल एयरबाट नेपाल प्रहरीका इन्स्पेक्टर राजकुमार तामाङ नेतृत्वको टिम पुगेको हो । टोलीले शव संकलन गर्न सरु गरेको प्रहरीले जनाएको छ । प्रहरीका अनुसार विमानमा सवार धेरै यात्रुहरूको शव नचिनिने अवस्थामा भेटिएको छ । केही शव टुक्रा परेका छन् ।
धनुषा- आइतबार बिहानदेखि सम्पर्कविहीन भएको तारा एयरको जहाज आज बिहान दुर्घटनाग्रस्त अवस्थामा फेला परेको छ । मुस्ताङको थासाङ गाउँपालिका–२ मा दुर्घटना भएको जहाजमा धनुषाका एकै परिवारका सात जना रहेको पुष्टि भएको छ । तारा एयरका अनुसार उक्त विमानमा चालक दलका तीन सदस्यसहित २२ यात्रुहरू सवार रहेकामध्ये धनुषाको मिथिला नगरपालिका–११ लोटा गाउँका सात जना रहेको पुष्टि भएको छ । जहाजमा राजनकुमार गोले, उनका बुबा इन्द्रबहादुर गोले, आमा राममाया तामाङ, काका पुरुषोत्तम गोले, काकी तुलसादेवी तामाङ, मामा मकरबहादुर तामाङ र माइजु सुकुमाया तामाङ रहेको परिवारजनले पुष्टि गरेको छ । गोले परिवार मुक्तिनाथ दर्शनका लागि विमानबाट जोमसोम जाँदै थिए । दुर्घटनाग्रस्त जहाजमा १३…