काठमाडौं : भारतमा इन्डिगो एयरलायन्सको उडान ढिलो भएपछि एक यात्रुले पाइलटलाई कुटपिट गरेका छन्। इन्डिगोको विमानमा आइतबार एक यात्रुले पाइलटलाई कुटपिट गरेका हुन्।
पाइलटलाई कुटपिट गरेको भिडियो सामाजिक सञ्जालमा भाइरल भइरहेको छ। भिडियोमा देखिएअनुसार पाइलटले विमानमा उडान ढिलाइ भएको घोषणा गरिरहँदा एकजना यात्रुले दौडिएर उनलाई थप्पड हानेको देखिन्छ।
बीबीसी हिन्दीका अनुसार भिडियो दिल्लीको हो । यो उडान दिल्लीबाट गोवा गइरहेको थियो जुन बाक्लो कुहिरोका कारण ढिला भएको थियो।
समाचार एजेन्सी पीटीआईका अनुसार इन्डिगोले यस विषयमा उजुरी दिएको छ। आइतबार दिल्ली र उत्तर भारतमा बाक्लो कुहिरो र कम भिजिबिलिटीका कारण धेरै उडानहरूमा ढिलाइ भएको थियो।
धेरै रुट परिवर्तन भएका थिए भने उडान रद्द भएका थिए। आइतबार खराब मौसमका कारण ४०० उडानमा ढिलाइ भएको थियो। १० उडान डाइभर्ट गरिएको थियो भने २० उडान रद्द गरिएको थियो।
हेर्नुहोस् भिडियो :
https://twitter.com/PTI_News/status/1746754628060954963?