धनगढी : धनगढी उपमहानगरपालिका-५ हसनपुरस्थित रोहित होटलबाट जुवातास खेलिरहेको अवस्थामा ५ जना पक्राउ परेका छन् ।
वडा प्रहरी कार्यालय धनगढीबाट प्रहरी निरिक्षक जनक राज ढुङ्गानाको कमाण्डमा खटिएको प्रहरी टोलीले होटल सञ्चालक कालुराम चौधरीसहित ५ जनालाई पक्राउ गरेको हो ।
पक्राउ पर्नेमा बझाङको केदारस्यु-३ का जय बहादुर खत्री, टिकापुर-६ का सिउपाल चौधरी, धनगढी-५ का रोहित खड्का र कञ्चनपुरको भिमदत्त-४ का प्रकाश मडै रहेका छन् ।
प्रहरीले उनीहरूलाई नगद ८३ हजार ५ सय ८५ रूपैयाँ र ३ गड्डी ताससहित पक्राउ गरेको हो । पक्राउ परेकाहरुलाई जिल्ला प्रहरी कार्यालयको हिरासत कक्षमा राखी थप अनुसन्धान गरिरहेको छ ।
Facebook Comments Box