धनगढी: कञ्चनपुरमा लागुऔषध (खैरो हेरोईन) सहित २ भारतीय पक्राउ परेका छन्। आज (बुधबार) कञ्चनपुरको पुनर्वास नगरपालिका वडा नं. ११ डोकेबजारबाट उनीहरूलाई समातिएको हो।
स्थानीय प्रहरी र सुदूरपश्चिम प्रदेश प्रहरीको पिआइटी टोलीले उनीहरूलाई समातेको जनाएको छ।
पक्राउ पर्नेमा जिल्ला बहराइज नानपारा उत्तर प्रदेश भारत बस्ने वर्ष १९ को संजय बालमिक र जिल्ला शाहजपुर उत्तर प्रदेश भारत बस्ने वर्ष १९ को अर्जुन बालमिक रहेका छन्।
उनीहरू दुबै जनालाई शंका लागी चेकजाँच गर्ने क्रममा अर्जुन बालमिकले दाहिने हातको ज्याकेटको बाउलाभित्र लुकाईछिपाई राखेको अवस्थामा प्लास्टिकसहित तौल गर्दा २ ग्राम २० मिलिग्राम र शुद्ध तौल गर्दा १ ग्राम ७१० मिलिग्राम लागुऔषध (खैरो हेरोईन) जस्तो देखिने धुलो पदार्थ फेला परेको थियो।
त्यसपछि उनीहरूलाई नियन्त्रणमा लिइएको हो।
Facebook Comments Box