धनगढी: कैलालीको कर्णाली नदीमा हाम फालेर बेपत्ता भएका युवकको शव भेटिएको छ। चैत्र १२ गते चिसापानीस्थित कर्णाली पुलबाट हाम फालेर बेपत्ता भएका लम्की चिसापानीका ३२ वर्षीय लोकेन्द्र शाहीको शव भेटिएको हो।
उनको आज (बिहीवार) टीकापुर नगरपालिकास्थित वडा नम्बर २ को नदी क्षेत्रमा शव फेला परेको कैलाली प्रहरीका प्रमुख एसपी पदमबहादुर बिष्टले बताए।
उनका अनुसार मृतकको शव सन्कट्टी घाटमा फेला परेको हो। मृतकले होली पर्वको दिन नदीमा हाम फालेका थिए। उनीसंगै अन्य १६ जनाले पनि कर्णाली पुल माथिबाट हाम फालेका थिए। तर उनीहरू सकुशल बाहिर निस्किएका थिए।
बेपत्ता भएकालाई खाेज्न स्थानीय, नेपाल प्रहरी र सशस्त्र प्रहरीकाे गाेताखाेर खटिएको थियाे।
Facebook Comments Box