धनगढी : बैतडीका एक युवक मृत फेला परेका छन् । जिल्लाको पुर्चौडी नगरपालिका-५ दहताल टोलका ३० वर्षिय जगदिश बोहरा शनिबार मृत फेला परेका हुन् ।
बोहरा आफ्नै घर भित्र झुण्डीएको अवस्थामा मृत भेटिएका पुर्चौडी नगरपालिका-५ का वडा अध्यक्ष नागिसिंह खडायतले जानकारी दिए ।
मृतक बोहराको घरमा श्रीमती र एक छोरा रहेका छन् । झण्डै १० वर्ष वैदेशिक रोजगारीको सिलसिलामा मलेसियामा बसेका बोहरा गत पुस महिनामा मात्रै नेपाल फर्किएका थिए । बोहराले पासो किन लगाए भन्ने कुरा खुलेको छैन् ।
घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ ।
Facebook Comments Box