काठमाडौं: नेपाल प्रहरीका ४ एसपी एसएसपीमा बढुवा सिफारिस भएका छन्। आज (शुक्रबार) ४ एसपीलाई एसएसपीमा बढुवा सिफारिस गरिएको हो।
प्रहरी प्रधान कार्यालय एवं बढुवा समितिका अनुसार एसपी श्याम कृष्ण अधिकारी, रवीन्द्र रेग्मी, भिमबहादुर दाहाल र नान्तीराज गुरुङ एसएसपी बढुवाको लागि सिफारिस भएका हुन्। उनीहरूलाई रिक्त पदमा पूर्तिका लागि बढुवा सिफारिस गरिएको हो।
जसमा बढुवा सिफारिसमा परेका दाहाल भने विवादित प्रहरी अधिकृत हुन्। उनी केही समय अगाडि सवारी ज्यान मुद्दामा थुनिएका थिए। उनलाई जिल्ला प्रहरी कार्यालय झापाले पक्राउ गरेर थुनेको थियो।
दाहालको गाडीको ठक्करबाट एक जनाको मृत्यु भएपछि गत सालको २४ कात्तिकमा दाहाल पक्राउ परेका थिए।
Facebook Comments Box