काठमाडौं: नेपाल प्रहरीका प्रहरी नायब महानिरीक्षक (डीआईजी) पोषराज पोखरेल प्रहरी अतिरिक्त महानिरीक्षक (एआईजी) मा बढुवा सिफारिस भएका छन्।
सोमबार बसेको बढुवा समितिको बैठकले पोखरेललाई एआईजीमा बढुवा सिफारिस गरेको हो।
बढुवाका सिफारिस सूची प्रहरी नियमावली,२०७१ (संशोधन सहित) को नियम २७ को उपनियम (४) अनुसार प्रकाशित गरिएको छ।
उनी काठमाडौं उपत्यका ट्राफिक प्रहरी कार्यालयमा कार्यरत छन्।
असार २० गते अवकास हुने पोखरेल असार १९ पछि खाली हुने एआईजीका लागि बढुवा सिफारिस भएका हुन्। असार १९ मा एआईजी उमेशराज जोशीले अनिवार्य अवकाश लिएसँगै खाली हुने पदमा उनी बढुवा सिफारिस भएका हुन्।
उनै १ दिने एआईजी अवकाशमा गएपछि असार २१ मा बुद्धिराज गुरुङलाई एआईजीमा बढुवा गर्ने गृहको तयारी स्रोतको भनाई छ।
Facebook Comments Box