धनगढी: सुदूरपश्चिममा नयाँ एसएसपी आइपुगेका छन्। आज (शुक्रवार) एसएसपी श्यामकृष्ण अधिकारी सुदुरपश्चिम आइपुगेका हुन्।
सुदूरपश्चिम प्रदेश प्रहरी कार्यालय शान्ति सुरक्षा महाशाखा धनगढीमा दरबन्दी रहेका उनी आज कार्यालयमा हाजिर भएका हुन्।
उनको केही समय अगाडिमात्रै एसपीबाट बढुवा भएर एसएसपीमा पदस्थापन भएको थियो।
प्रदेश प्रहरी कार्यालय शान्ति सुरक्षा महाशाखा धनगढी, कैलालीमा कार्यरत एसएसपी प्रज्वल महर्जनको सरुवा भएपछि उनको स्थानमा अधिकारी आएका हुन्। महर्जनको केही समय अगाडि नेपाल प्रहरी प्रदेश कार्यालय बनेपा काभ्रपलान्चोकमा सरुवा भएको थियो।
उसो त सबै प्रदेशमा २/२ जना एसएसपीको दरबन्दी रहेको छ। तर अन्य प्रदेशमा एउटै एसएसपीले कामकाज सम्हालिरहेको पाइन्छ। तर यस अगाडिसमेत २ एसएसपी पठाइएको सुदूरपश्चिममा अहिले पनि २ एसएसपी रहेका छन्।
एसएसपी दिल्लीराज बिष्ट कार्यरत रहदै नयाँ एसएसपी अधिकारी आएपछि २ जना एसएसपी बनेका हुन्। तर उनीहरूको शाखा भने फरकफरक हुने गर्दछ।