धनगढी : सुदूरपश्चिम प्रदेशका प्रहरी वरिष्ठ उपरीक्षक दिल्लीराज विष्टको प्रमुख आतिथ्यमा सोमबार एक दिने सिसिटीभि संचालन तथा मर्मत सम्बन्धी अनुशिक्षण कार्यक्रम सम्पन्न भएको छ।
कार्यक्रममा प्रहरी नायब उपरीक्षक, सिनियर तथा जुनियर प्रहरी अधिकृतहरू सहित विभिन्न तहका प्रहरी कर्मचारीहरूको उपस्थिति रहेको थियो।
प्रमुख अतिथि दिल्लीराज विष्ट ज्युले बदलिँदो परिस्थितिमा सिसिटीभिको महत्व र आवश्यकताबारे निर्देशन दिएका थिए। अनुशिक्षण कार्यक्रममा कैलाली र कञ्चनपुर जिल्लाका सिसिटीभि मनिटरीङ्गमा रहेका प्रहरी कर्मचारीहरू सहभागी भएका थिए।
सहभागीहरूमध्ये प्रहरी वरिष्ट हवल्दार २ जना, प्रहरी हवल्दार ८ जना, प्रहरी सहायक हवल्दार ३ जना र प्रहरी जवान ६ जना गरी जम्मा १९ जना रहेका छन्।
यस अनुशिक्षण कार्यक्रमले सिसिटीभि संचालन तथा मर्मतसम्बन्धी दक्षता अभिवृद्धि गर्न सहयोग पुर्याउने अपेक्षा गरिएको छ।