काठमाडौं : नेपालको जासुसी संस्था राष्ट्रिय अनुसन्धान विभागका चिफ हुतराज थापासँग काठमाडौंमा केही युवाको विवाद भएको बताइएको छ। हिजो बेलुकी दरबारमार्गको शेर्पा मल छिरेका थापाको त्यहाँ विवाद भएको बताइएको हो।
मलभित्र थापा केही युवाबीच खानपिनको क्रममा भनाभन भएको स्रोतको दाबी छ। स्रोतका अनुसार बिदा मनाउन भन्दै थापा पूर्वयोजना बमोजिम हिजो साँझ दरबारमार्गको शेर्पा मलभित्र पुगेका थिए।
सोही क्रममा त्यहाँ पूर्व सभामुख कृष्णबहादुर महराका छोरा एटम (निर्मल)सँग कुराकानी गर्दैगर्दा थापासँग मलभित्रको रेष्टुरेन्टमा एटमका साथीहरु अनिल र अविनाश पनि पुगेका थिए। सोही समयमा उनीहरूको थापासँग विवाद भएको बुझिएको छ।
उक्त घटनापछि थापा रेष्टुरेन्टबाट बाहिरिएका थिए। हुतराजको एटमसँग निकै बाक्लो उठबस रहेको बताइन्छ। विवादको कारण भने खुल्न सकेको छैन।
Facebook Comments Box