धनगढी: कैलालीमा मोटरसाइकल दुर्घटना हुँदा २ जना घाइते भएका छन्। धनगढी उपमहानगरपालिका–७ देवरीयामा दुई मोटरसाइकल एक आपसमा ठोक्किएर भएको दुर्घटनामा दुवै मोटरसाइकलका चालक विवेक राना र रामनारायण चौधरी घाइते भएका हुन्।
से ६ प ६९९७ र से ७ प ३९७९ नम्बरका मोटरसाइकल दुर्घटना घाइते भएका चालकको सेती प्रादेशिक अस्पतालमा उपचार भइरहेको प्रहरीले जनाएको छ।
यस्तै डोटीमा ट्याक्टर दुर्घटना भएको छ। केआईसिह गाउँपालिका–३ बासुदेबिमा ट्याक्टर दुर्घटना भएको हो।
दुर्घटनामा २ जना घाइते भएका छन्। घटनाको विस्तृत विवरण आउन बाकी रहेको जिल्ला प्रहरी कार्यालय डोटीले जनाएको छ।
Facebook Comments Box