धनगढी: धनगढीमा एक विवाहित युवती मृत अवस्थामा भेटिएकी छन्।
धनगढी उपमहानगरपालिका-४ नवजीवन अस्पताल पछाडि बस्ने सुनिल चौधरीको श्रीमती २३ वर्षीया राधिका चौधरी मृत फेला परेको प्रहरीले जनाएको छ।
जिल्ला प्रहरी कार्यालयका प्रहरी नायब उपरीक्षक (डीएसपी) कबिन्द्रसिंह बाेहाेराले चाैधरी बिहीबार घरमै मृत अवस्थामा फेला परेकी बताए।
उनकाअनुसार उनी मृत भेटिएको कुरा आफन्तहरुले नै प्रहरीमा जाहेर गरेका थिए।
घटनास्थल कार्य समाप्त गरेर मृतकको शव परीक्षणका लागि सेती प्रादेशिक अस्पतालमा राखिएको छ।
घटनाबारे अनुसन्धान भइरहेको प्रहरीले जनाएको छ।
Facebook Comments Box