धनगढी: अछाममा एक पुरुष मृत अवस्थामा फेला परेका छन्। नामरथर नखुलेको अन्दाजी ३० वर्षीय पुरुषको शव फेला परेको जिल्ला प्रहरी कार्यालय अछामले जनाएको छ।
अछामको तुर्माखाँद गाउँपालिका–४ जंगलघाट स्थित अछाम र सुर्खेत जोड्ने कर्णाली नदिको झोलुङ्गेपुलदेखि अन्दाजी ५० मिटर तल कर्णाली नदिको किनारमा शव फेला परेको प्रहरीले जनाएको हो।
सो सम्बन्धमा आवश्यक अनुसन्धान गरिरहेको अछाम प्रहरीले जनाएको छ।
यस्तै आजै बैतडीमा सर्पले डसेर एक महिला घाइते भएकी छन्। जिल्लाको दशरथचन्द नगरपालिका–२ मगराउँकी ३५ वर्षीया भावना बोहरा घाइते भएकी हुन्।
उनलाई मकैबारीमा घाँस काट्नेक्रमा सर्पले डसेको थियो। बोहराको जिल्ला अस्पताल बैतडीमा उपचार भइरहेको प्रहरीले जनाएको छ।
Facebook Comments Box