धनगढी: डडेल्धुराबाट ६ जना जुवाडे पक्राउ परेका छन्।
जिल्लाको अमरगढी नगरपालिका–५ तुफानडाँडाबाट खडक देउवाको घरमा जुवातास खेलिरहेको अवस्थामा देउवासहित ६ जनालाई बिहीवार जिल्ला प्रहरी कार्यालय डडेल्धुराबाट खटिएको प्रहरी टोलीले पक्राउ गरेको जनाएको छ।
उनीहरुलाई नगद १२ हजार ३५५ र १६० पत्ता ताससहित नियन्त्रणमा लिई आवश्यक अनुसन्धान गरिरहेको प्रहरीले जनाएको छ। यस्तै बैतडीबाट ५ जना जुवाडे पक्राउ परेका छन्।
बैतडीको पाटन नगरपालिका–४ मोहनपुरमा ४२ वर्षीय गणेश सिंह बिष्टले सञ्चालन गरेको अन्नपुर्ण होटेलबाट होटल साहु बिष्टसहित ५ जनालाई पक्राउ गरिएको प्रहरीले बताएको छ।
इलाका प्रहरी कार्यालय पाटनबाट खटिएको प्रहरी टोलीले होटेलबाट जुवातास खेलिरहेको अवस्थामा उनीहरुलाई नियन्त्रणमा लिएको जनाएको छ।
पाँचै जनालाई नगद ६२ हजार ७७० र १ गड्डी ताससहित नियन्त्रणमा लिई सो सम्बन्धमा प्रहरीले आवश्यक अनुसन्धान गरिरहेको छ।