धनगढीः बाजुरामा भरुवा बन्दुकसहित दुई जना पक्राउ परेका छन्।
जिल्लाको स्वामीकार्तिक खापर गाउँपालिका वडा नम्बर ३ रिवडा बस्ने ४० वर्षीय धिरेन्द्र शाही र सोही ठाउँका ३० वर्षीय रमेश शाही पक्राउ परेका हुन्।
इलाका प्रहरी कार्यालय स्वामिकार्तिकबाट खटिएको प्रहरी टोलीले गोप्य सूचनाको आधारमा धिरेन्द्रको घर तथा बारीमा तलासी गर्दा घर नजिकै रहेको ओडारमा लुकाइछिपाई राखेको अवस्थामा अबैध भरुवा बन्दुक एक थान बरामद गरिएको छ।
यस्तै रमेश शाहीको गोठभित्र लुकाइछिपाई राखेको अवस्थामा अबैध भरुवा बन्दुक एक थान पनि बरामद गरिएको छ।
Facebook Comments Box