कैलाली– कैलालीको धनगढी उपमहानगरपालिकाको मेयरमा स्वतन्त्र उम्मेदवारी दिएका उद्धवराज पन्तले अर्का स्वतन्त्र उम्मेदवार गोपाल हमाललाई समर्थन गरेका छन् । मेयरमा स्वतन्त्र उम्मेदवारी दर्ता गराएका पन्तले कैँची चुनाव चिह्न पाएका थिए। अब उनले स्वतन्त्र उम्मेदवार गोपाल हमालको आँप चुनाव चिह्नमा मतदान गर्न मतदातालाई आग्रह गरेका छन् ।
‘धनगढीवासीको मनसाय गोपी हमाललाई मेयर देख्ने रहेको भन्दै उनले आफूले पनि हमाललाई नै समर्थन गरेको बताए । ‘मेरा सुभचिन्तकहरुले पनि गोपाल हमाललाई मेयर बनाउने चाहना देखाए’ उनले भने, ‘जनताको चाहनालाई बुझेर सुन्दर सुदूरपश्चिमका अभियान्ता स्वतन्त्र मेयरका उम्मेदरलाई समर्थन गरेँ । अब मेरा शुभचिन्तकहरुलाई पनि चुनाव चिह्न आँपमा मतदान गरेर हमाललाई जिताउनुहोला ।’ गोपाल हमालले धनगढीको मेयर पदमा स्वतन्त्र उम्मेदवारी दिएका छन्।
Facebook Comments Box